靖天。4歲發展監察 + 視力評估
4歲的靖天….
最後一次到健康院….
12月份的時候, 致電健康院約期驗眼, 唯姑娘說「視光師唔得閒, 暫時唔黎我地呢間健康院住, 你2月再打黎」….
結果, 拖了良久, 2月再致電, 終於有期了….
這是2月的尾尾日子….
.
到了健康院, 靖天竟然問: 『咦? 點解唔見左玩o個個屋屋既?』
旁邊的姑娘聽到, 還大讚靖天好記性…
那個小玩意, 其實已經拆弓大半年…
靖天對上一次來, 應該最少有一年吧?!
.
等了一會, 便入房驗眼睛了…
在網上略有聽聞, 驗眼的情況….
媽咪跟靖天說: 『要檢查眼睛… 如果睇唔到野就要戴眼鏡架喇!』
可惡的靖天卻說; 『好呀! 我好鍾意戴眼鏡架!! 咁我睇唔到野先!』
.
頭3個英文字, 都能順利指出來…
第4個英文字, 卻怎樣也”看”不到…
到另一邊眼, 情況又是一樣…
再用儀器照照眼睛….
最後, 視光師說: 『其實每邊讀到3個已經合格, 無問題架喇!』
媽咪有點難接受… 就這麼簡單?!
多問: 『咁… 散光都可以就咁就CHECK到?』
視光師還是那句: 『其實合格架喇, 佢既視力依家係o係合格範圍內!』
.
走出房門, 又等了一會….
要見姑娘, 來一個發展監察….
姑娘給靖天一張紙, 一張臘筆, 畫了兩個圓圈, 著靖天跟姑娘的圖案, 在旁邊畫兩個..
結果….
靖天是在姑娘畫的那2個圓圈上, 畫了媽咪, 和靖天!!!
姑娘見靖天已經能畫”火柴人”, 又提議靖天多畫多個: 爸爸和妹妹…
靖天當然服從啊!
然後…….
靖天又畫了一個四方形(小屋狀), 上面打了一個”十字”….
靖天說: 『呢間係教堂, 我地放假就去教堂祈禱啦!』
這是誰教她的?!
.
還有姑娘提議的”水果”…. 還有”天空”…
這幅畫, 真的很豐富… 連媽咪也嘖嘖稱奇!!!
.
.
在靖天畫畫期間, 媽咪已做了一份問卷, 姑娘也問了多個問題..
最後, 在咬字發音上, 媽咪表明是有點擔心, 待姑娘測試過後, 說不如讓靖天見見醫生, 確認一下要否看語言治療…
也好, 測試一下, 買一個安心…..
.
當然, 是順利通過其他測試…..
席間, 媽咪也跟姑娘說出沒有一開始就好好教導靖天在學術上的知識, 這幾年都出現很多尷尬事 (如靖天不明白5以外的數字, A-Z分不清, 中文字看不明), 也有點感到香港現在必需贏在起跑線上, 但卻感到力不從心, 也有點不知所措的感覺….
聽姑娘的一席話…..
最深刻的, 是這句: 『你希望你個女4歲成功後就完, 定努力到40歲成功可以一世?』
是的, 我們還沒有到40歲, 但深明, 出來工作後, 已經沒有人在意緊張, 你4歲, 14歲, 24歲時, 所得到的成就….
姑娘語重心長的提醒媽咪: 『要令佢一輩子都有有學習動機, 有學習興趣, 這才是成功!』
聽畢, 無不感動….
.
4歲的靖天, 在通過發展監察, 通過視力測試後….
意味著, 她將以一個健康正常的身驅, 踏入她的小孩期…
爸B媽咪面對的挑戰, 已經不再是”食飽訓好有得痾”這麼簡單了…..
~~~ 共勉之 ~~~
.
(381)
阿仔4歲去健康檢查時, 都係同靖天一樣, 睇2睇就話ok, 讀2板字就話冇問題, 真係唔知佢地嘅標準低, 定係我地嘅要求高…..,問多姑娘2句都唔想笞, 趕住收工!>.<
而家只盼阿仔健健康康就好了!!
其實是現代人太心急
你我在4歲時也很多東西不懂，現在不是好好嗎? ^-^
我現在不是很好…..
錢太小, 生活太苦, XD
『你希望你個女4歲成功後就無, 定努力到40歲成功可以一世?』—>多謝分享! 呢個姑娘的一席話, 鞏固咗我怡家的教女理念與方法! 共勉之!
加油呀!
那位姑娘真的是語重心長呀~但真心能聽懂我家長又有幾多位呢~我有時問自己, 其實是自己想希望得到, 還是兒子真的需要得到呢？ 一想到這裡,頭又開始痛起來….在香港做父母的真的艱難呢~
從來做父母都是很艱難的!
加油!
依家個個都話要贏在起跑線上，BB未出世已經報定playgroup、幼稚園，其實，學識四國語言，琴棋書畫樣樣掂係咪代表＂贏＂？真係值得各位家長深思。
健康院個姑娘真係好有heart，睇到我都鼻酸。。
講真健康院真係0-4歲BB嘅媽咪值得去嘅地方，BB食得好唔好？瞓得好唔好？痾得好唔好？夠唔夠重？夠唔夠高？發展夠唔夠快？問題通常係依家啲家長過份緊張，啲姑娘醫生一日見幾十個case，一睇就知係點，輕描淡寫答你一句：OK，總可以令人放下心，真係要俾個「讚」佢地！
但係… 部份姑娘既”那西”, 又真係令人好氣憤啊
多謝你分享了這位姑娘的一席話，唔單止令到你有所領悟，亦都令到我地呢班看你blog的媽媽有所啓發，謝謝你靖天媽媽。
不客氣, 言重了
[學習要有動機、有興趣才是最重要]。
是的…..