爸B的(海外)工作日記(一)
終於都黎到呢個…. 期待已久, 既興奮又緊張既日子…
聽日就係爸B我首次喺海外為新人拍婚紗相既日子。心想講出黎真係有D羞。原因爸B身邊好多同行既攝影師已經去過N次, 又或者係一年七次咁…~ 但自己就只係剛剛起步~ 不過都希望係”今日一小步, 明日一大步”!
自問今次既拍攝真係花左好多既心機, 尤其係SALE客呢一PART~ 新人對你既相, 價錢, 態度是但一部份唔滿意既話, 都一定唔會夠膽搵你去幫佢拍OVERSEAS PRE-WEDDING. 所以搞到好多唔應該應承既野, 都全部應承晒~ 例如一般只拍一日, 到而家係FREE UPGRADE去到幫客人拍2.5日. 食、住都要自己搞掂~ 其實人工方面, 去四日都唔夠喺香港影一日WEDDING DAY咁多~ 不過真係無得計較咁多~ 無呢D經驗, 開唔個頭, 又好難再會有第二次既出現。
… 其實現在已經零晨兩點半, 三隻野就訓到死豬咁. 自己就仲未訓得著…. 好緊張, 又好擔心, 硬係有D唔安樂咁… 一來緊張影相, 二來真係未試過丟低三個女人喺屋企咁多日。希望呢四日兩隻小魔怪乖乖地~ 要辛苦媽咪一個頂兩個… 返到黎三隻野都完完整整, 無病無痛, 我就安樂晒了~
續….
(181)
工作順利…藍天媽媽加油…
爸B ~ 加油呀! 一直以來都有睇係影嘅相, 知你好有心機, 對你有信心嘅!! 期待! ^.^
祝爸b工作順利!
工作順利呀…
加油呀！
祝爸b工作順順利利！ 加油啊！
祝靖天、巧巧爸b工作順利
加油!!!! 支持你同埋你一家! ^^
工作順利,
出門在外,凡事小心,