為左這個運動, 都吵了多少次? 多少遍?!

前言:

終於完成人生第一場三項鐵人賽事, 由決定參加到正式比賽, 只有三個月時間, 按確認那一刻開始, 就不停的擔心, 沒間斷的懷疑著自己… 甚至覺得後悔… 始終自己從未接觸過這個體能極限的運動.

參加原因:

從開始到現在, 都是抱著想挑戰自己, 真係想做一件人人都覺得傻的事. 當然心底裏想著兩個女, 老婆和身邊的人都會讚嘆自己能夠參與及完成一場三鐵賽.

另一個原因, 看到身邊很多人覺得忙得不透氣, 事業有成, 接到很多生意, 產品得到各界的讚好, 就覺得自己很棒，很高人一等. 到很多很遠很貴的地方旅行享受, 在FACEBOOK貼數張相片, 換來數百個LIKE就是自我最大的滿足感. 起初我都是這樣, 但漸漸情緒越來越低落, 成日唔知道為乜事唔開心, 加上事業和家人健康既問題, 慢慢覺得自己不對勁…

我亦開始反問自己,滿足感係由第三者給自己, 如果他們再不給你生意, 不給你讚好的時候, 你會變成怎樣?

人生真的要事業有成, 賺很多的金錢, 就代表找到快樂? 找到健康? 能買回和家人一起的回憶和時間嗎?

我現在放低對工作既執著, 因為人生不是只有工作. 當遇上沒有工作既時候, 會慢慢知道, 工作能帶給自己既滿足是很短暫, 甚至可說成是一種慢性毒藥, 如要不停地工作, 才會得到心靈上的滿足, 對不起, 我想你已中毒了～

運動就好像是一種生活方式, 一種能帶給健康同正能量既生活方式~

自己選擇三項鐵人, 係因為很喜歡將身體”揸乾揸淨”的感覺, 玩三鐵辛苦嗎? 那是肯定的!

我相信有參加過的人都不會僅僅用這個詞來形容. 但完成後的那種喜悅, 就應該只有參加過的人才知道. 一刻的感覺, 一世的回憶!

甚麼是三項鐵人:

三項鐵人其實係由游水＋踩單車＋長跑三個項目組成. 今次我參加的是半程（游750m踩30KM跑8KM）游水一向都係自己弱項, 所以自己７月參加泳術改良班. 但都係臨急抱佛腳的~哈哈!

平常都是一星期數次的跑踩, 踩跑… 沒有甚麼program可言.

比賽前兩個星期, 做了一次模擬賽. 確認自己究竟有冇能力可以完成~

不過游水都仍然是心理關口, 因為在大海裏游, 心理壓力真係好大～

到比賽前幾晚, 不停咁發惡夢… 仲完全訓唔到… 哈哈~ 睇黎我真係好驚…

比賽過程:

比賽當天需要04:30到達現場 (三項鐵人既比賽全部都係咁早開始的)，但我真係訓唔到，我03:45就到了～～

其實正式落水既時間係07:00… 熱身+等+熱身+等… 不停LOOP住做…

好彩期間同老婆WHATSAPP左一陣. D時間先好過一點, 等等等… 好辛苦終於等到06:40, 聽完講解後就準備落水了~

落左水後壓力細晒了~

因為一早已經同自己講，呢一PART絕不可以急，慢慢游便可，但在海上因為有浪既關係，要用多好多力，望住遠處個浮波指標黎游，其實自己有冇偏離行道都唔知道，亦因為同一時間有好多人起步，所以經常出現踢到人或俾人踢到既情況。我既目標只係完賽，就當然游開少少，避走一陣先吧～最後游水時間比平常慢左７分鐘左右～

唉。。。無意外發生，我覺得已經完成了～

上水後就馬上跑去轉項區，抺面，帶帽，眼鏡，食GEL，飲水，囉車，再推住架車跑一輪先可以上車. 唔知係咪游水用力太猛，起踩一下已經感覺不上力，腳軟軟了～今次比賽踩單車係由大尾督停車場踩上鹿頸停車場，來回兩個圈，一共30公里。呢段鹿頸之前已踩過，好長既上斜，好長既落斜，有苦有甜。

放低單車後, 就開始我8公里既長跑, 但還未正式開跑, 我已經感到大腿抽筋了~ 應該係單車部份去得太盡, 加上身體脫水所致… 最後, 其中70%既距離我都係急步行… 但其實自己還有體力可以跑得全程, 可惜身體唔聽話… 

到過終點既一刻自我有點感動…

途中不時熱心的工作人員, 朋友, 給你加油鼓氣.

比賽過程中，看到不同的人，他們對於想超越自己的態度，對於生命的感悟，會讓你覺得在工作和生活中碰到的煩事, 很多都是微不足道的小事, 不值得被它們困擾, 生命中還有很多重要的有趣的事等著去做. 當自己超越極限的那一刻, 會覺得世上再沒什麼困難不能克服不能承受, 從心裡悠然生出一種自信和向上的精神,

那種滿足感是在工作中哪怕處理掉一個很棘手的難題都沒法比的~

(823)

Comments

comments