開心入營, 傷心出營…..

前言: CLICK HERE

隔了一天……

從FACEBOOK上找到了有靖天樣子的照片分享,

這一看心裡更是定了下來……

好像看見靖天安全的參與活動, 心情也變得不一樣~~~

大概3個星期後,

收到有關的官方照片…..

沒有太美感,

沒有望著鏡頭笑,

要在幾百張照片,

細心的找回女兒的「頭」……

以為只得三兩張照片?

數著數著,

也有十幾廿幅啊!

十分滿足…..

雖然有好多張只有「半個頭」~~

但至少,

這都是「証明」靖天有參加活動的點滴和回憶….. 

晚飯是蕃茄XX煲仔飯 (已經忘了還有什麼材料),

靖天說: 『好難吃!』

飯是濕濕的,

而且她不愛吃番茄,

感覺自然更難受…..

問她可有幫忙煮飯, 她說:『有丫! 我幫手洗米煲飯架!』

早餐是「魚蛋烏東和發左莓既芽菜」?!

那個芽菜,

靖天說「好生, 有草味, 好難吃~」

看到照片,

才知道那不是未熟的芽菜, 而是另一種蔬菜,

靖天不愛吃的一種蔬菜~

靖天分享,

她集合不久就認識了新朋友仔,

叫「齊齊」的一個同齡小朋友~

出營後還說: 『你將我個FACEBOOK俾齊齊, 咁佢會搵我架喇~』

媽咪: 『你有FACEBOOK架咩?』

靖天: 『係喎! 咁俾你O個個佢啦~』

媽咪: 『我又唔識佢, 我點解要俾我個FACEBOOK佢呀!』

靖天: 『咁你俾你電話佢啦, 佢會搵我架喇~』

媽咪: 『走左喇喎, 點俾呀?』

靖天: 『哎呀! 係喎!!!』

靖天喜歡幫助朋友, 結識朋友,

有幾張照片, 也看到一二…….. 

第二天的河流體驗,

是難得的體驗,

主要原因是媽咪並不熟香港的山路河流位置,

要是有專業人士帶領,

這應該會更放心吧?! 

這個沒有太多靖天的照片,

只是從僅餘的照片中,

看得出靖天主動, 投入, 也喜歡~~~

玩到一半,

導師又教她們制作什麼煎餅做茶點~~~

這裡發生一個小故事……

說話活動結束後做回顧分享, 家長都在場的,

其中一位小朋友說: 『你都無俾我整烤餅~』

導師:『點會呀～ 我記得你去左玩水喎…』

小朋友: 『你無講有得整野食, 我咪去玩水囉~』

導師: 『等等先…. 你再諗一諗?! 當時我係話, 如果有興趣既可以選擇一齊整烤餅, 如果想玩水既亦可以去玩水, 但兩個活動同時進行, 只能挑一個活動玩~~ 我係咪有咁講過先?』

小朋友: 『 (想了想, 然後尷尬的點了點頭)』

誤會由此起…. 導師也笑說: 『好彩你最後記得, 如果唔係返到屋企同爸爸媽媽講我地唔俾你玩就弊傢伙了~』

第2天下午, 跟朋友一起到達西貢的解散點,

等了十多分鐘,

終於看到靖天了!!

「怎麼沒有替換好衣服?」

「怎麼身體都濕濕地? 好像很狼狽的?」

原來活動時間緊湊,

她們的行李由工作人員先送到解散點,

小朋友們完成了玩水的活動, 就立即集合~~~

聽著導師跟她們分享這2天的活動情況,

也讓她們分享一下自己做得好與不好的地方….

這類的回顧,

媽咪似層相識….

好像從前讀書參加領袖訓練之類的也有做過….

讓媽咪感到很高興的,

莫過於靖天很願意舉手分享和回答…..

看得出她累, 但仍然投入….. 這很難得~~~ 

巧巧等靖天的時候,

被蚊叮得呱呱叫…..

結果接過靖天後,

她已經很堅定的說: 『你千祈唔好俾我參加露營呀! 我會被蚊咬死架!』

正式解散了,

媽咪: 『點呀! 好無玩呀?』

(紅著眼) 靖天: 『唔好玩!』

媽咪: 『下?! 點解呀?』

靖天: 『 (攬著媽咪) 我好掛住你….. 又好辛苦喎, 又有蜘蛛喎, 又驚喎…. 我以後都唔想再去露營呀!』

媽咪笑了……

出發的白鞋子,

至接回靖天後,

已經可以報銷…..

還好這雙鞋子一早打算扔掉…..

在附近停車場找個位置, 更換好乾淨衣服, 便上車回家去咯!

上車不久已經睡昏了~~~

靖天說, 凌晨一時多才睡…..

上廁所見到好多好多蜘蛛讓她不敢睡~~~

天氣也有點悶熱 (竟然沒有風)讓她感覺不好受…..

回到家也沒有太高興,

明顯地是有些疲勞過度~~~

晚飯吃了一點兒就上床睡了…..

事後,

媽咪跟她細細談起活動….

讓她再想想箇中的得著,

得到的,

失去的,

也不應該是一面倒的因為幾隻蜘蛛就將自己學到的, 享受到的全部抺殺掉….

問她明年可再參加?

她說不!

相信這2日1夜對她來說也太辛苦了,

待明年再問,

也許答案又變得不一樣……

(843)

Comments

comments