8個月前的兩姐妹… 是怎麼模樣的?

生活繼續納悶,

繼續找時間整理兩姐妹的點滴對話….

這份是今年1-3月記下來的, 有些好笑, 有些甜蜜, 有些是巧巧牙牙學語特意記下….

一句一語, 總是教咱們會心微笑…

昨天早上, 靖天醒來看見窗外: 「我明明琴晚祈禱叫天父俾個太陽伯伯我, 點解無架?」 媽咪: 「我都話天父唔會聽到架啦… 你仲信佢?」

青椒的故事 (上)

媽咪: 『試下呢塊青椒… 食左你就係媽咪個女喇!』 爸B: 『如果你唔食, 就係爸B個女!』 靖天望望爸B, 又看看媽咪… 最後, 靖天將青椒放到口中, 也嚥下了…

繼而, 高興的說: 『YEAH! 我做到媽咪個女喇!』

青椒的故事 (下)

已經離開餐廳,… 說起什麼, 爸B忽然問: 『靖天, 點解您成日都唔聽我話既o者?!』 靖天擺擺手, 很認真的答: 『下!? 因為我頭先食左青椒, 做左媽咪個女, 咁我咪淨係聽媽咪話囉!!』

可憐這爸B…. 5年的愛, 還不及一片「青椒」!!!

巧巧嚷著要玩滑梯… 爸B: 『唔玩喇, 落雨喇…』 坐在BB車上的巧, 立即伸出手, 看看天空, 再說: 『無喎! 無 (落) 雨喎!』

童言無忌的巧, 爸B被氣得生煙了!

靖天: 「聽日爸b係咪放假呀？」 媽咪: 「係呀！」 靖天: 「好嘢！咁我就可以陪下爸B，同佢去玩下喇！」

好孝順的女兒， 只是。。。究竟是誰陪誰去玩呢？σ(^_^;)

活動中, 工作人員問: 『知唔知個腎o係邊架?』 靖天默不作聲兩秒, 媽咪正想”提水”, 靖天忽然: 『O係條腰後面, 兩邊既!』 工作人員意外, 媽咪也被女兒的答案嚇了一跳…

不懂字, 不看相關電視, 這知識, 是誰教的?! @.@

大清早， 靖天問: 「點解你地生我先，唔係生巧巧先嘅？」 媽咪: 「err~~~~」 靖天: 「係咪因為你地錫我多啲呢？」 媽咪: 「err~~~ 你話係咪係囉。。。」

確實。。。要回答這問題，實在有點為難。。。(u_u)

睡前的「枕頭語」…

媽咪:「巧巧…. 你幾時先講多o的野呀?」 巧巧: 搖搖頭… 媽咪: 「講多o的野唔好咩? 同家姐一樣吱吱渣渣好開心喎…」 巧巧: 搖搖頭 媽咪: 「其實你識唔識講野?」 巧巧: 點點頭 媽咪:「你真係咁唔鍾意講野？」 巧巧: 點點頭 爸B: 『靖天呀…』 靖天: 『咩呀?』 爸B: 『可唔可以借你個樣黎用下呀? 我想試下…』 還沒有說完…. 靖天: 『唔得!!!』

超低能的兩父女… 借什麼借, 乾脆叫她坐著拍張照不就可以嗎?! ~.~

巧B又因事不爽而扭起計來… 媽咪沒有理瞅, 巧B就嚎哭起來…

邊大哭, 邊大叫: 『媽咪… 我愛你呀!!! 我愛你呀!!!』

這是什麼新招式?! 自己錯了, 竟然”以退為進”?! 最後, 在十多次「我愛你」後,
媽咪都心軟了…. ~.~

媽咪教靖天生字…

媽咪: 呢個咪”愛”字囉, 記住喇? 靖天: 我夠愛你咯!

(暈… 教你認個字, 唔洗下下都”我愛你”架麻?!)

不適中的靖天, 在床上呻吟… 媽咪: 你邊度唔舒服呀? 靖天: 呀… 唉… 無野喇! 媽天: 係咪好熱呀? 靖天: 唉… 唔係熱既問題係! 媽咪: 咁係咩問題丫? 靖天: 係… 我唔想食(藥)既問題..

好複雜的語句….

婆婆: 『你叫咩名呀?』 巧巧: 『老細~~~』

媽咪: 『你叫咩名喎!?』 巧巧: 『大佬!!!~~~』

婆婆說, 最近一星期, 巧巧都自稱「老細」或「大佬」… 江湖味, 巧重啊!!!!!

早上, 兩姐妹坐在爸B媽咪身旁… 靖天在說話, 巧巧在說話, 然後, 巧巧忽然大聲一句: 『唔好嘈呀!』 靖天姐姐立即呆了, 然後, 巧巧繼續喋喋不休的嘰哩咕嚕…

在看爸B媽咪的婚禮精華… 巧巧: 『睇完… 再睇!』 媽咪: 『呢個邊個黎架?』 (指住自己個樣) 巧巧:『姐姐!!』

老左幾年O者, 連阿媽後生個樣都認唔到, 唔係真係差咁遠呀? >.< 嗚嗚)))))))

家姐要上興趣班, 巧巧跟著進課室… 被抱走後, 巧巧: 『(發音不準) 我又想跳舞呀!』 媽咪: 『你太細個麻, 等你大個O的先啦!』 巧巧: 『(發音不準) 鵝又想上堂啊!!』 媽咪: 『err….. 等你大個O的先啦…』 巧巧: 『哦…』

媽咪的荷包… 會被兩姐妹的「好(濫)學」而榨乾嗎?! @.@

媽咪不小心將手機跌在地上, 坐旁邊的巧B看見了, 立即問: 『”AU”無事呀?』 媽咪: 『無事既… (心痛中)』 巧巧: 『”AU”無”IT” (跌)爛呀?』 媽咪: 『咁又無…』 巧巧: 『無事呀!』

然後安心繼續去玩….

媽咪: 『行快少少啦好無? 你呢排做咩成日都行得咁慢架..?』 靖天: 『因為我食左餛飩麵囉!』

行得慢關餛飩麵咩事?@.@ 又是爸B唔好大教壞細….

仍在咳… 爸B: 『不如去食藥先訓啦?』 巧巧: 『唔好呀!』 爸B: 『點解呀? 但你咳喎!』 巧巧: 『唔食呀… 我飽喇!』

飽就唔食藥… 點應對好呢?!

在婆婆家, 巧巧慣常不停「換碟(VCD)」看電視… 讓她胡里胡塗的, 又將VCD放到機內, 還要跟婆婆説: 『得丫! 得丫! 我幾叻?!』

原來已經學會「自滿」了…?! 可惜這是出自婆婆嘴巴, 還不知信不信好…. XDXDXD

駕車回家途中… 爸B說想喝口水, 媽咪拿給他… 然後, 爸B不知說起什麼: 『渣車唔飲得酒架!』 誰不知, 靖天忽然一句: 『渣車飲酒, 咁你隔離個女人咪會死囉!』

媽咪坐後座聽後爆笑起來… 她用「女人」來形容… 自己? 還是她的老媽?!

在車上… 巧巧: 『媽咪!』 (嘴裡不知吃著什麼) 媽咪: 『你食緊咩呀?』 巧巧: 『鼻屎呀!!』 媽咪: 『呀~~!!! 咁好無味呀?』 巧巧: 『唔~~~ 好味!!』

女, 您真的超核突呀!!! ORZ~~~~

在整理手機照片… 看見自己跟細老仔的短片… 巧巧: 『細佬…… 好靚呀!』 媽咪: 『咩好靚呀?』 巧巧: 『細佬呀… 好靚呀!』 媽咪: 『好靚?! 靚仔?』 巧巧: 『嗯! 係呀… 』

果然青出於藍…. 還沒到2歲就懂「把仔」了?! ….

靖天姐姐還在床上自言自語…… 巧巧忽然大叫: 『喂!!!』 姐姐沒有理會, 巧巧: 『喂!!! 唔好嘈呀!!! 好嘈呀!!! SHU!!!』

Well… 但係家姐仔係無理個妹, 繼續O係度依依吟吟既!! @.@

在公路上… 媽咪: 『睇緊咩呀?』 巧巧: 『車車……. 我睇緊車車呀!』

這是第一句, 女兒跟我們最完整的一句說話…

為左唔想巧巧午睡。。。 媽咪: 「不如同你去反斗城吖！」 巧巧: 「唔好。。。」 媽咪: 「咁去玩滑梯喇！」 巧巧: 「唔好。。。好「計」（攰）呀！」 然後合上眼睛沒有再理睬媽咪。

好嘢！「攰」都識講，就係唔識一般性名詞。。。(u_u)

出閘，媽咪的八達通又有問題。。。 靖天: 「點解你嗰張成日都唔得，我就次次都得？」 媽咪: 「因為你靚囉！」 還以為靖天滿心歡喜，誰不知。。。 靖天: 「你仲靚啦！」

經過這些年，女兒已經徹底的將媽咪神化為一個靚女！ 孩子的思想，絕對可以調教的！

有人過馬路時不聽話… 爸B極度憤怒: 『你有無搞錯呀!! 我叫你拖住我就拖好啦!』 靖天: 『對唔住, 爸B…』 爸B: 『你C 呀!!! 返到屋企, 洗定隻手俾我打手板丫!!』 ……….

媽咪: 『err… 唔洗洗定隻手… 用黎打手板呀?』

.

(154)

Comments

comments