靖天: 『我唔坐紫色個位架喎!』

這陣子, 靖天對「優先座」有很大的執著…

最初有這個座位時, 靖天還不知道是什麼, 上車見有位便坐下來…

媽咪: 『我唔坐呢度!!』

靖天: 『點解呀?』

媽咪: 『呢2個位係俾有需要既人坐, 我無需要, 唔洗坐呢度!』

靖天: 『咩叫有需要呀?』

媽咪: 『咁你望下椅上既圖畫….?』

(下刪)

.

然後, 那次跟兩姐妹到LEGO村,

上到巴士, 人很多, 大概只有上層有”雙連”的座位,

媽咪二話不說, 抱著巧巧, 叫著靖天, 坐上”優先座”….

靖天很大反應: 『下! 我又唔係老人家, 又唔係受左傷, 又無BB, 我唔坐架喎!』

媽咪: 『但係我要照顧你地, 已經好唔方便, 我覺得呢刻媽咪有需要喎!』

靖天: 『下…. 咁好啦~~~』

.

最近的一次, 走上港鐵…

靖天打算坐”優先座”, 但媽咪卻說: 『我地坐另一邊啦!』

媽咪的”無定向”, 靖天有點不知所措: 『下!! 但你推住巧巧, 又要照顧我, 點解我地唔坐O個度呀?』

媽咪: 『因為呢度係總站, 車廂又無咩人, 我地可以揀一個好既位坐, 唔洗一定要用優先座架麻!』

.

兩三個站後…..

靖天開始發現了…..

然後……

靖天: 『媽咪! 點解呢……』

知女者莫若母: 『唔好講!! 我地落車先講!』

靖天: 『唔係呀…. 對面個姨姨同姐姐呢…..』

媽咪: 『我知你想講咩…. 我地落車先討論好無?』

靖天: 『哦…….』

下車後…..

媽咪很認真的說: 『剛才O個位姨姨同埋姐姐, 就咁睇, 真係無受傷亦都唔係老人家, 更加無bb, 即係其實佢地唔係”有需要既人”, 佢地坐o個個位, 應該係坐錯左!』

靖天: 『咁點解佢地會坐錯架?! 如果陣間有o的有需要既人咪無得坐囉?』

確實…. 再過了2個站, 有好幾位老人家上車, 該兩位女士仍無動於衷, 最後讓座的是媽咪和靖天!

媽咪: 『可能佢地唔識字, 可能佢地睇錯左,…. 不過靖天你講得好岩! 優先座係俾有需要既人使用, 我地無需要就唔好霸住個位, 你做得好好!!!』

.

上個月的某下, 下班後坐上巴士的上層…

忽然巴士停了在一旁, 然後媽咪聽見:『…..其實優先座係俾有需要既人使用既, 或者呢度有無邊位唔介意, 可以起身讓一讓, 俾呢位老人家坐呢?』

有人讓座了, 然後司機感謝…….

媽咪聽見下層的情況, 十分感動!!!

巴士司機的”正義”, 實在難得!!!!

下班時間, 坐上往大西北的”長途車”, 人人都想有座位, 可以休息休息….

那位起身讓座的乘客, 也值得一讚吧……..

.

因為靖天, 讓媽咪每次坐巴士都會跟自己說:『沒有需要就不要坐這位子了!』

坦白說, 媽咪也會試過坐”優先座”的…..

就是在非繁忙時間, 車廂可能只有”小貓三四隻”, 又或者明知自己只坐1-2個站就下車…

那優先座, 其實就變得”並不明顯”了…..

.

.

曾經一些學術研究…..

要一個國家/地方的人, 改變他們原有的生活習慣, 或規則…

最少要用上三代的時間!!!

第一代: 那輩的老師根本不接受, 甚至自己也有這個陃習, 只會教, 表面的教, 隨便的教…. 大概只有3成的人會做到!

第二代: 開始有意識了, 知道是不對了, 也開始嘗試改掉自己的習慣…. 已經有一半人會做到!

第三代: 真的知道是不對, 也介意自己的行為跟社會不同, 看見從前的一代, 更立心的改變!!!

.

如果….. 這個報告的數據是值得相信的….

那, 靖天是該屬於第2代吧?!

媽咪這一代…. 會信, 但好做…. 關乎自己利益便不做, 有心情才做….

靖天受著媽咪的影響, 老師的教導, 明白什麼是”好”, 什麼是”不好”… 從小便有這個意識, 堅持下去, 相信會比媽咪這一代做得更好!

.

對於靖天的執著, 媽咪深深的安慰…

沒想過, 女兒對這麼一些社會小事, 都如此介意”著迷”……

遇上不明白, 會明, 會了解…..

甚至也會”批評”媽咪做得不好……

這個小保長, 真的讓爸B媽咪每天在成長啊!!!!

(141)

Comments

comments