希望講左出黎, 唔好小氣啦~ kakakakakak!

素聞有好多bb天生醒目, 出世幾個星期就戒左夜奶, 做佢地父母認真幸福!!

初頭我都好心急想幫靖天戒左夜奶…….. 不過明白靖天係”需要”, 先要食, 唔係玩玩下, 加上佢又係輕磅bb…….. 所以我都抱住佢食, 我就餵既心態……目的只係想佢快高長大……. 仲諗住佢有排都戒唔到…… 預左會辛苦3-5-7個月…….

點知o係靖天2個月大既時候……..

有一晚, 靖天11點幾食完奶, 咁就一訓訓到六點幾都無出過聲……

我同爸b天光望到個鐘就即刻扎醒, 心諗: 死火喇, 靖天未食奶架!!! 又怕佢係咪出左意外所以無曬聲……. 點知一望, 原來佢仲訓…….. 訓到隻豬咁…….

o個一刻我即刻諗: 咦? 難道佢戒夜奶?!  

可惜……. 維持左幾日, 佢又再5點幾起身扭奶……..

經過媽咪我個多星期既調教, 例如拖長佢最後一餐奶既時間啦, 又或者o係12點前, 再俾佢食多少少奶啦 (1安2安都好)……. 慢慢, 靖天就訓長左喇……  不過長極, 都係6點-6點半起身……..

呢個女, 算係咁啦……. 起身又會自己玩一輪先喊食, 不過佢玩還玩, 係極度大聲…….會大叫, 尖叫, 喊兩聲, 務必要整醒埋你先安樂……..

然後, 踏入第3個月……. o的書話bb應該絕對有足夠能力可以訓過夜, 仲應該可以訓到10-12個鐘……. 初初真係擔心點解靖天訓咁少……  佢訓極都係6個幾鐘….. 完全唔合格!!!  

不過o的野真係急唔黎….. 呢幾日, 靖天11點半食完最後一餐奶 (或者叫宵夜), 佢就會訓到第2朝既8點幾…….. 心情好咪訓到9點囉…….  然後就斯斯然咁起身, 叫下開下聲…… 跟住我就慢慢暖奶俾佢…….

雖然距離”10個鐘”都仍然係爭o的…….不過書, 豈能盡信呢?!

訓到8個鐘我真係笑架喇……. 仲要我地咁鬼夾, 佢訓完跟住就到我同爸b上床; 然後我天光起身泵奶返工, 靖天先慢慢起身, 唔再好似早一個月咁, 一齊起身搞到拿手唔成勢……

靖天呀靖天, 我地係咪以後都咁夾架?!
咁您唔好蝦我喇喎…… 最多我錫曬您丫?!

(127)

Comments

comments