諾彤? 其實係朋友既囡囡….... 一個好似爸爸但又生得好cute好日本妹既小妹妹……

前日約左幾個朋友上黎打牌 (著實我只係打左一鋪…… 輸左個9番…… 不過算啦, 同靖天睇完e生後, 已經無心情玩…… 除左照顧個女, 依家我乜都唔想做!!!)

咁佢個囡囡都已經歲幾….. 同靖天爭剛剛1年零5日, 如果無記錯……

呢個妹妹叫彤彤, 嘩, 佢真係好鍾意小朋友架喎, 望到靖天就好sweet咁又想掂下佢, 又想親下佢, 又想同佢講野…….

話說靖天琴晚都幾扭計 (可能人多唔慣卦)  咁我就抱左佢入房撩下佢同佢玩….. 點知彤彤妹妹又跟埋入黎喎…… 仲好自動咁想爬上我張床….. (妹妹, 唔好咁隨便跟陌生人入面, 仲要上埋人地張床, 好危險架! )

點知靖天就係咁喊, 咁我咪拍拍佢囉……叫佢唔好喊, 點知彤彤妹妹又學我咁拍拍靖天, 嘩…….. 好sweet呀!!!!!  不過o的力水就大力左少少……. kakakakaka! 拍到靖天個心口響架…..嚇死我…..  咁我就改為掃下靖天心口, 咁彤彤妹妹又跟住我做喎, 今次無打落去喇, 不過就好大力咁”un”落靖天個心口度囉……. kakakakaka!!!

不過無有怕啦, 小朋友係咁, …….  但真係好sweet 好sweet, 好似自己有兩個女咁….. 家姐又會錫曬妹妹……

呢個時候, 靖天其實一早就望住彤彤妹妹 (定叫姐姐呢?)  無再扭計…….. 繼而, 彤彤妹妹見到靖天o的玩具又好興奮咁囉黎玩….. 拿, 彤彤妹妹就識貨喇!!!  仲笑到鬼死咁開心…….

期待靖天既呢一日……….

(159)

Comments

comments