靖天小魔怪…. 千萬不能睇小~~~
其實想換個電話好耐….. 但就一直都唔捨得…. 點知…
平時靖天扭計, 我地都會俾個電話分散下佢注意… 點知有一晚, 我同靚媽行街睇野, 一覺唔留神, 電話突然間響喎, 心諗…. 唔記得左個電話仲o係靖天”口”入面添, 想囉上手聽既時間, 發現個電話禁制無反應既, 唉. 心諗梗係又hand機啦, 唯有囉舊電出黎.
不過真係”唔囉由自可, 一囉就嚇死我” 打開個電蓋, 發現個電話好似跌左落水咁, 成個電話入面都濕晒… 原來係衰妹靖天d口水黎架….OH…Shit……………………..即刻拿拿聲抺返乾佢, 睇下有冇得救… 但可惜”為時已晚….” 電話既病情已經由穩定變成嚴重, 分分鐘過唔到今晚….
好在, 經過爸B一輪搶救之後, 又風筒, 又風扇, 最後用埋抽濕機吹左個3個幾鐘, 終於翻生了! 翻生左, 咁第一件事就梗係囉出去Trade-in啦! 哈哈! 
最後爸B我就換左呢部Samsung F488 ! 既新寵啦! 真係多得靖天!如果唔係爸B都無借口去換電話啦!哈哈！！！！
奉勸各位一句: 就算小朋友幾鍾意你個電話都好, 都唔好俾佢放入口, 因為佢地既口水真係太…..恐怖喇!!!
(393)
如果不幸再有同樣事件發生,記住等部機乾咗先好開機,避免短路導至壞機.
要用 3個鐘嚟整乾，嘩！靖天 d 口水好勁吓喎！
哈哈… 無錯呀﹐個個BB 都對電話有異常o既喜愛﹐仲以玩電話﹐食電話﹐椗電話﹐… Baby Bertin 都好鐘意攪我部i-phone﹐真係名乎其實係”一日一蘋果﹐醫生遠離我”﹗
我會記住, 因為我部機可能係下一個被攻擊既目標…… orz
佢見到呢o的電玩產品好似人地見到美食咁, 係咁流口水架~~
hahahahahaha~~~ 咁bertin實快高長大啦, 個”蘋果”長伴佢……
benny,乜你俾個女食個電話咁危險呀
靖天啲口水確實勁!!
係呢, 你之前用邊部電話o架? 好好味o架?
我老公同我都係用NOKIA架, 但咩型號我真係唔記得, KAKAKAKAKAKA
聽聞係BB都鍾意呢O的”電玩”產品架喎~
睇嚟啲bb都好鍾意食電話, 我同事個女都係咁嫁~~
我都係nokia wor, 原來nokia有小朋友最鐘意既味…哈哈哈
新電話好型呀, 我都想轉電話, 但學你講, 用得唔想轉, 太貴嘛. 同埋用開nokia用唔慣其他牌子
以前我最憎用NOKIA, 但NOW用慣左就唔想轉
因為打SMS真係幾快, HEHE
仲有遙控器麻~~~~
Yee, 靖天 Ba ba 受到恐怖襲擊 Bor!
真係恐怖襲擊+海嘯….
係, 口水襲擊~~~ XDXDXDXDXD
呢個叫”安撫電話” akkakakkaka