吉之島購物記
呢排真係癲左……… 
打過幾篇卜, 先發現, 自己荷包原來已經變得紙咁薄~ 
事緣爸b話靖天既奶樽同奶咀係時候要全批換過….
難得爸b佢咁有心, 怕o的樽蒸得太多唔好, 想成批換過, 咁我梗係話好格! 
不過無折咁買, 實貴格… 算啦; 
仲好豪咁買左個combi既學習杯俾心肝…. 成90蚊, 肉到赤埋~~ 
希望呢隻杯真係可以幫下我, 等靖天可以飲兩啖水啦~ 
靖天大個女喇, 終於轉2號咀喇~ (其實都唔知有乜分別~) 
又買衫…. 睇黎靖天要變多個body先掂~
但真係抵麻….. 半價…. 又咁令~ 
貪佢條褲仔係扮牛仔褲料既cotton褲….. 應該都幾C服卦?! 
(206)
我都買ｏ左呢個．．．不過呀仔可能未掌握到點飲，一路飲一路漏．．
我都打算買個杯比哲哲飲水, 用奶樽佢都唔用, 咁靖天用左學者杯係咪真係好左?
2號咀係大隻d, 闊d架~
不過你喺吉之島買就梗係貴啦~
靖天套新衫幾型喎~
得得地呢……. kakakaka
其實….. 靖天o的咀全部俾我地剪過曬, 呢個2號咀唔知係咪太闊…. 靖天一路食一路漏呀………
係無料到………
你都好丫….. 阿仔肯飲;
我阿女係飲完一次過噴返出黎