去完一個開心的深圳遊…..

出發前靖天已經見有少少鼻水, 有兩聲咳, 玩完夜晚返到落香港, 鼻水流得嚴重左, 咳聲多左… 但時間已晚, 所以都係要等第2朝先去睇e生……

點知第2朝起身, 鼻水得返兩滴, 咳聲無曬, 乞痴又只係一個半個….都有打算唔同佢睇e生, 但係爸b話睇下無妨喎……好啦好啦….

靖天大個女喇, 為左唔洗下下走出荃灣睇佢個兒科e生, 所以今次帶左佢睇樓下我地睇開個”家庭e生”….. 睇呢位e生認真抵…. 180蚊, 有5枝藥水…. 荒死食我個女唔死咁…..

靖天食左兩次藥水, 去到夜晚已經無乜事, 但見佢好攰好嗲好似好辛苦咁….. 所以第2日已經同佢停左o的藥水…. 唔俾佢食….. 第2日下午已經成個生猛曬… (睇黎o的藥水, 都幾重…. )

巧colourful既藥水…..

靖天睇完, 輪到我…..

超嚴重既鼻敏感又翻發…. 怪返到香港坐o個程小巴出事…. 成架車好似俾煙”芬”過咁, 開左窗, 開大個冷氣, 都好辛苦….. 經過30分鐘車程不停聞o的煙味 (實在無可能咁長時間唔抖氣….) 落到車個鼻已經好痛…. 返到屋企開始不停打乞痴, 流鼻水…..

雖然訓前食左藥, 但全晚都係流不停….. 起身even worse…. 唯有靖天睇完我又俾多180大洋e生睇睇咩事……

同靖天一樣, 第2日無事就停曬o的藥….. 鼻敏感真係巧痛苦…. 唔食藥就係咁鼻水倒流好唔舒服, 食左藥就成身軟曬, 抱靖天都無力….. 可恨呢個”傳遺病”真係無得e….. 近年已經好好多, 但一聞到煙味就…..  

巫e生曾經話過, 靖天有50%機會會有鼻敏感….. 但願, 靖天身體可以強壯o的, 唔好成日病發…..

o的藥真係好得… 食左一陣已經停左鼻水, 但就好wing….. 成身散曬….
訓左我一日一夜…咁濟~~~~

(143)

Comments

comments