『咱們仨』第一次睇樓記
都好耐無去睇樓咯…..
對上一次睇呢, 係年中時突然遇到出手好高既賣家, 點知呢……. 
著實靖天出世後, 真係好想好想住既地方有個CLUBHOUSE, 可以俾心肝一個地方玩下…. 屯門有CLUBHOUSE既屋苑唔多, 附近既卓爾己經係最好, 可惜佢O的呎價叫到離曬譜… 六百幾呎單位賣緊差不多200萬…. 樓皇大曬咩……. 
加上又想搵間大少少既單位… (3個人, 住六百呎, 都話唔夠用..咱們仨真係好離譜……. 
)
新少少又有CLUBHOUSE已已經去到南浪, 海典, 嘉悅等…. 南浪個會所早好幾年去過, 真係好得, 加上價呎合理, 所以星期日派對完左後, 爸B就話不如去睇樓……. 
不過呢度最細單位都7XX呎.. 大既去到9百幾至11XX呎…. 7XX呎得2房, 唔諗啦……. 一跳跳到去9XX呎…….又好似誇O的喎……. 交通唔算好方便 (坐慣村巴既我地, 真係無得比), 加上離靖天婆婆都幾遠, 但又近左靖天麻麻, 未睇已經先扣8分 (得返2分….)
不過一場去到, 都望下啦~~~
呢位經紀都幾好人….. 至少唔煩丫~~~~ 
睇左幾個單位…. 結論係: 好方向既都走曬去7XX呎單位, 大單位通常都向西北……. TOOBAD~~~
廚房好大好四正, 長廳但因為零窗台所以好見洗…. (加3分)
兩房好似細少少, 主人房個”半圓位” 好特別但唔知O的玻璃會唔會爛…. (加1分)
價格………… 都差不多去到300…. 好甘好甘……..
(扣返2分)
最失望係, 會所乜野都要錢, 入去兒童遊戲室都要俾錢 …. 管理費已經唔平, 用佢地設施仲要俾錢, 會唔會有點兒那個?!
(倒扣廿分)
睇左5-6個單位就閃人…….
結論係….. 今晚早O的訓~~~~
~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~
換樓, 講就容易……. 無可否認係想換大單位少少, 但係談何容易呢….. 想住大少少既單位, 但係要放棄依家擁有既生活質素, 實在好兩難…………
無左架車, 遠離靖天婆婆, 無村巴, 樓下無外賣, 無麥當勞, 無KFC, 無美心…. (百無) 真係唔多化算…….. 
不過睇下又無妨….. 又唔洗錢, 當娛樂………
不過下次都係”推車仔”好O的…. 揹左靖天個幾鐘, 條腰想斷…..
(248)
仲有遠離咗我呢~ 尼個point 要倒扣30分!!
係呀 .. 睇下又何況呢 !!
聰媽都成日去睇架 .. 哈哈
唔嫌遠,黎我到,等一一有個靚姐姐陪佢玩 xddd
heehee佢查車唔怕啦
遲d西鐵去埋尖東,好方便
我都想換樓…發夢嗰時…haha!! 要等阿仔1.5歲左右先諗喇…股票脹賬面冇咗一半$呀~~
聰媽你又成日去? 你有無咩心水呀?
靖天似”哥哥”多o的…..xdxdxd
你o個度我結婚時好心儀想買架, 但老公話返工唔方便, 唔俾……. >
啋…..返工渣唔到車啊
係咪入左hsbc呀?……..
所以呢, 我都話要早o的訓…..xd
扣扣埋埋即係唔洗搬咯;