靖天飲食狀況
9個月零4個星期的靖天….. 會食乜野……
答案係…….乜都唔想食……
上個星期還可以捱命捱曬大半碗粥, 蒸魚, 蒸蛋, 餅仔, 都肯食, 奶亦都食到”需要”既份量 (所謂需要, 即係媽咪我要求佢食既份量~~ 
)
當初帶點阿Q諗: 雖然退步左, 食唔到一碗, 但好過無啦….. 食到就算;
點知一個星期後, 靖天就由大半碗, 減至半碗, 最後減至一啖都唔要…… 
瘦肉粥太淡口, OKOK…… 我改……
特登買條魚, 煲左魚湯, 再用湯煲粥…. 自己都暗暗驚嘆可以煮到O的咁入味既粥…. 結果…… 2啖BYEBYE~~~ 
食得太耐粥好悶, OKOK…… 我改…..
特登走落街市買條桂花蒸俾您食….. 靖天, 媽咪咁大個女都未蒸過魚, 我既第一次又獻左俾您…. 結果….. 都係3啖又BYEBYE~~~
疑似吽牙仔唔想食固體, OKOK…. 我改….
咁淨係食奶啦….. 食左個幾月8安奶既您, 已經好多餐食剩1安…. 唔緊要, 7安都好~~ 過左幾日, 又剩多安, 即係食得6安….
呢一日出去上堂前既一餐奶, 又破新低點…. 5安…….
媽咪我既心情就由星期五開始湊您, 開心指數有10 (每逢有得自己湊心肝既日子都好開心), 同日跌到落8,
星期六你繼續玩野, 開心指數再跌到落5,
到左星期日已經有好大心理恐懼 (完全唔想餵你…..) 但都抱住期望….. 結果開心指數跌到得返3 .
到星期日中午您食左5安奶後, 開心指數得返零!!!!!!!
已經連續3日每朝第2餐您唔食我都”折磨”您….. 您都仲係唔識驚…..
靖天, 您係咪變態?
還是我變態?!
一諗起心肝您可能又去返4個幾月時極度嚴重厭食咁情況, 媽咪我就好驚好驚…. 好唔開心…
心肝, 不如您話我知, 您想點…… 
(343)
係早晚各1餐奶, 其間有2餐粥, 共4餐每日,
不過食奶的份量就好浮動, 佢只要食到有5安我就會放棄同佢搏鬥架啦~
我家小姐又係咁呀, 之前一向食開8安奶, 呢排已經1日食早晚2餐咋, 佢都夠膽同我淨係食2,3安就唔肯食呀~ 你話係咪激死人啦!!!!
桂花魚都算重水銀呀, 盡量唔好比BB食呀﹗
我之前都唔知, 小B都食了十次八次﹗
擔心一定有, 但係其實真係OK呀, 我小B呢期都唔想食粥仔, 咁佢未係太瘦, 都無謂迫佢啦﹗(姑娘教的)
正所謂：佢肚餓就會食野啦﹗
不過我都係估你靖天要出牙仔啦﹗無胃口係好正常WOR﹗
靖天好似瘦咗 d
佢健康就 ok lar!
慢慢來 lar!
小孩子係要 tum gar!
都叫人好擔心下喎…
其實, 我個仔食野都係差不多咁, 佢有厭食証好耐啦.. 我好有同感你做媽媽的感受…
一時時架咋
聰兒都係架 …. 一時食好多 .. 好好胃口 !!
一時食兩三啖就算數 !!!
Add Oil !!
係….. 真係好鬼忟….
多謝你………
唔知係咪小朋友通常都咁….
係呀, 佢出世已經好奀架喇, 好俾心機變大左佢, 跟住依家佢又…….. 想自己變細返. 真係頭都痛埋……
食2餐? 未計粥仔麻?
唔係麻… 桂花魚係淡水魚黎架喎~~~
今晚睇左e生, 腸胃炎喎….. 所以無胃口…..
唉;
靖天依家無2餐固體…. 得4-5餐奶…..
加埋食咁少, 我怕佢真係變人乾呀