靖天厭食新對策
心肝您已經唔再係BB, 係時候要對您TOUGH O的了~~~
TOUGH? 對於一向極度緊張靖天體重既我, 呢o的對策, 又真係幾tough…..
由3奶2粥改為4奶1固體, 5餐食唔到就改4餐
俾返糊仔您食, 糊仔您都唔要就唔好再食固體…….住
仍然堅持feed on demand, 但係您食就食, 唔食就等下一餐, 我唔會再同您遊街….
既然靖天您唔自律, 從今開始, 無星星餅, 無手指餅, 無薯片, 無汽水, 無雪糕, 我地食乜您都唔會有份….. 所以您唔洗再望住我地吞口水
好似係我做人媽咪”應份”要遵守, 但係講真, 真係做唔到對佢咁tough…..
已經order左靖天婆婆要嚴加執行….. 不過都知道佢唔會咁對您… 唯有…
每日打多幾次電話不停哦……. 哦到佢幫我為止…..
心肝: 我唔知道您究竟要厭食到幾時, 亦都唔知道您點解無端端會咁抗拒食野…. 但係我好想您知道, 呢幾日我抱您已經”輕手”左好多, 您係咪真係要變返超級細bb, 您先安樂? 難道您見到媽咪為左您唔開心, 喊, 您先會開心?! 
聽左N * N咁多次話BB肚餓就會食
, BB 唔會餓死, BB唔食就由佢…. 到要做既時候, 又何其難?! 如果心肝係大肥B, 佢食少O的可能仲好, 但本身已經無乜quota既靖天, 再咁厭食, 過去我同靖天婆婆辛苦”經營”既努力就會付諸流水…..
我好同意靖天唔食, 都咁精靈 (touch wood touch wood), 但係佢由食, 變唔食, 再由唔食, 變好大食, 跟住又由好大食, 變成今日既唔食….. 條”curve”咁飄忽, 真係好難頂…. 
連爸b都唔明白我….. 究竟仲會唔會有人明白我既感受?! 
(196)
我言言雖然無厭食，但係有時餵佢我都會好忟，老公又係會話佢唔食就算，唉！學你咁講，佢唔食都仲係中 b 都無所謂，但係睇住佢增磅差又係細 b 又點會咁易放棄餵 (迫) 佢食喎…… 我都知我個 case 唔同靖天咁 tough，你要繼續加油，靖天你要快 d 開口食嘢呀……除咗呢 d 說話我都無乜可以講……
我都唔可以再同講乜. 不論有經驗同無經驗既人都係講話”BB肚餓就會食, BB 唔會餓死, BB唔食就由佢…. ” 靖天暫時都唔係營養不良, 食少左, 都唔會有咩事, 最多咪瘦D~ 難度你想有一個肥到好似我D 表妹咁既女?
你覺得何其難是否你太緊張? 如果靖天係大肥B, 到時候你唔俾佢食, 佢係咁喊, 你又係會心痛然後俾佢食.
呢個係兩個偏埋一邊既例子, 但也正正是一個事實發生在靖天媽媽你身上.
我都明白會好擔心，對住自己個寶貝，真係會知易行難的。
其實會唔會係靖天吽牙仔呢？如果係的話咁呢個厭食只不過係一個過渡期姐。每一隻牙仔出黎bb都會好唔舒服好唔自在，冇胃口唔想食真係在所難免。
希望靖天快快食番mum mum，唔好要媽咪擔心喇~
多謝你鼓勵呀;
其實我都估佢係吽牙仔架….. 因為佢就黎10個月, 一隻牙都未有……. 但係話吽話吽, 都吽左好多個月… 仲係無乜聲氣…..
我怕佢係有唔舒服, 我又唔知, 先唔食……. ~.~
哈哈 .. 我都明白你既擔心既 !!
聰媽以前都係咁 .. 因為聰兒都無咩肉地架 .. 係人見到都話 “瘦左 d wor”
但每次去健康院問醫生點算時 .. 都俾醫生串我 .. 唉 !!
所以耐左都無咁好氣了 !!!! 只要健康便行 ….
Don’t worry about that !!
如果健康就可以….我諗……. (都係在心中唔好講出黎喇) kekekekekekee
多謝你支持就真………