靖天腸胃炎的第五日
腸胃炎的第五日, 確定靖天已完全康復~~~
已經無食藥2天了…..
心肝既胃口已經回復返未厭食前既9成…
今日靖天婆婆煮瘦肉粥, 唔落豉油…. (因為返工前爭o的同靖天婆婆爭o的吵左鑊杰撻撻… 佢應承我唔落….. 不過唔知係咪一日咁多~~~ 
) 心肝都食左一碗… 叻女!
奶都食得唔錯…..
靖天婆婆雖然用左o的”錯誤”既方法引導心肝食野, 但無可否認, 心肝跟住婆婆, 好似真係會食得多o的~~~~
不過唔落豉油, 心肝用咩黎送奶送粥?
咪電視廣告囉…….
靖天婆婆錄左幾個佢鍾意既廣告, 每逄佢唔肯食奶就開電視俾佢…. 靖天就會乖乖快快咁啜曬枝奶……
唉…….. 咁都好過豉油送粥, 遊街食奶既…..
(151)
靖天婆婆始終係想靖天食多 d 同快 d ~~
用左佢地自己個套 ….
唔緊要啦 .. 學你話 “好過食調味麻”
原來靖天肯食啦！都好過落豉油o既……
我睇書話 bb 係鍾意睇廣告，因為 d 字眼係不斷重覆咁，好過睇戲o架！
你媽媽都算有心機啦, 專登錄低靖天鐘意既廣告, 不過係佢湊既方法另類左少少咁law
我初初以為bb會鍾意睇卡通片, 點知, 廣告仲吸引佢….
咁睇電視又唔洗死既, 最多專注力低o的, 哈哈;
好番晒就好啦。我地 Jayson 唔食就由得佢。好少就佢啲乜。今餐唔食咪下餐食囉。
lin兄, 我係咁, 不過靖天婆婆唔係咁….. ~.~
嗯嗯…….唯有係咁囉