一歲成績表
1月7日的早上, 靖天去左攞成績表….
晨早起身, 真係有半刻唔想去… 實在太……眼訓喇~ 
去到等左陣, 就入去磅重!!!! 鄧鄧鄧鄧………
體重: 8.48kg (即18.67磅)
未出發前, 已經計左心肝要幾重先”合格”, 果然….. 係跟住條生長線…
仲開始慢慢走近少少50%條線!!!! 當然要讚讚自己過去一年既辛勞, 養到靖天肥肥白白 (同佢出世比好了!!!
) 但令一個一功臣, 當然係靖天婆婆啦!!! 
唔係婆婆, 靖天又點得黎食到美味既粥粥 (雖然有”味精”… 
), 蒸魚, 蒸水蛋….
唔係婆婆, 靖天又點得黎可以餐餐食到8安半, 9安奶….. 自問我呢個媽咪, 真係餵唔到佢食咁多奶啊!!! 實在係好費解…….. 
難道婆婆開o的奶… 好味o的?!
~~~~~~~~~~~~~~~~~~~~
跟住見姑娘做發展評估…
姑娘竟然問:
1) 識唔識玩積木? 唔識, 佢識食多o的;
2) 識唔識拋波? 唔識, 教”俾”教左成年都無成果;
3) 識唔識食星星餅? 識, 好叻添!!
然後, 姑娘話佢發展進度理想….. 當堂打曬問號, 乜都唔識, 都理想?!
再問姑娘:
1) 1歲應該識講什麼? 佢答: 你問得太快喇, 總之2歲前一隻字都唔識先叫有問題;
2) 1歲得半隻牙仔係咪真係不用擔心? 佢答: 哈哈哈, 總之2歲前1隻牙都無先要見醫生;
完全覺得呢位姑娘有點兒問非所答….. 
初出世同靖天黎呢間健康院, 覺得呢度o的姑娘又nice又細心, 唔知點解去左幾次, 就覺得佢地好那西!!!! 算啦, 唔洗錢既……. 唔應該有要求!!!
~~~~~~~~~~~~~~~~~~~~
跟住打針……
嘩, 喊到丫……. 成個lobby既人都望住靖天…..
收聲後, 就不停咁依依umum, 好似o係度投訴咁…… 一路um到返屋企….
事後, 靖天就開始好嗲好痴身, 不停要人抱, 放低半秒都喊到拆天….
唉….. 關唔關枝針事呢?!
已經打針後5日有多, 靖天尚未有發燒情況, 但願心肝繼續努力, 叻埋呢次, 唔好發燒!!! 加油啊, 心肝!!!!!
(143)
間唔中厭食都有成 18磅幾，越大越鍾意食嘢時就會好肥肥白白架啦！
所以我次次同anson去開診所就會問埋果度d醫生, 聽多個意見!
靖天, 你真係叻叻呀, 敏堯得 8.47 kg, 生長線由50%趺到去25%, 真係好渣~~~~~
健康院姑娘既指標係 2 歲 … 1 歲去見姑娘都只係做樣 .. 哈哈
哎約, 女仔瘦o的…..靚o的架,
唔明唔明~
健康院真係好行貨架!
米b都係, 個姑娘係咁意問幾句, 係咁響張紙度剔剔剔, 然後就話無問題咯. ok, 佢話無問題就是但啦……
不過我相信靖天咁醒目, 一定無問題啦!
係囉 無問題就無問題啦,
係呀, 我都會架
要承你貴言啊