靖天: 『媽咪, 快o的幫我換衫, 夠鐘返學喇!!!』

因為夜晚同婆婆慶祝生日, 所以就坐巴巴返學……

應該係肚仔痛吧? 全程巴士著左90%時間靖天都在大吵大鬧…….  加上媽咪有少少唔舒服, 真係想掉低佢o係公路……

還好, 準時到達, 雖然心肝無訓到覺, 但精神都尚可以接受….. 玩到大半, 先開始扭下計…

練習一 – 唱歌仔

又係一個促進小朋友社交能力既活動…. 學好動作同歌詞後, 就一齊圍個圈練習… 不過心肝好似都唔多明我地講乜…. 淨係一味跟住我地行… 行到尾仲無左個耐性… 想走左去…

小熊去遊花園
快樂氹氹轉
一步、兩步
好快就行完

聽張姨姨做左兩次, 心肝還好掌握到”氹氹轉”既動作 (只係雙手亙相打圈), 將佢改良為”揮手”動作….  

練習二 – 專注力 / 耐性訓練

先由張姨姨派發幾粒好小好小既公仔俾小朋友, 然後請佢地一粒粒咁放落個膠兜仔到… 成個動作咁簡單, 心肝當然無問題… 但要佢一粒粒放 (總共6粒)入兜仔, 每放好一粒佢已經急不及待咁想走人… 要我同爸B”出盡力”引佢先完成工作, 再雙手交回俾張姨姨~

然後就每個小朋友派一個水樽, 再俾左若干數目既短飲管 (應該係剪斷左一截截既飲管) 要佢地續粒放入水樽…. 因為飲管已被截到有長有短, 小朋友需要將飲管”垂直”先可以放入水樽入面…. 見完張姨姨示範已經諗: 咁難, 點做喎…….!!!

其實呢個練習想訓練小朋友既專注力之外, 亦都可以訓練到佢地前三指既運用…. 前三指運用得好, 第日寫字就唔會咁大問題呢……  

當張姨姨示範時, 各個小朋友都好認真好集中咁走到張姨姨面前聽書, 場面好”幼稚園”耶!!!

到返回座位練習時, 心肝竟然….. 一粒一粒咁自動放好位置, 放入水樽!!!!

嘻, 再望望其他小朋友, 原來個個都做到了…..  只係我呢位大鄉里媽咪o係度大驚小怪!!

練習三 – 平衡力訓練 (跨筲箕)

張姨姨放左大大小小既筲箕, 要小朋友踏入筲箕入面, 再”行出”個筲箕.

因為唔係平面, 小朋友始終要提起小腳, 踏入, 企好, 再提起小腳, 行出筲箕, 藉以訓練佢地單腳提起平衡既能力.

唔做唔知… 原來心肝平衡力依然一般, 有爸B在背後輕輕”磅”住, 當然無問題, 但當爸B放手等佢自己行時, 蒲提起小腳, 就失去重心東歪西倒….  睇黎呢方面真係要多花點心機跟靖天做做練習了!!

***** 課堂趣事 *****

又係茶點時間, 又係”未出發先興奮”, 今次逗得張姨姨引不起將靖天攬起…. 攬完靖天話”俾左你, 無餅餅喇”….. 搞到心肝攤攤隻手嗌”無”….  俾張姨姨捉弄完, 當然有返幾粒小饅頭做補償呢…..

***** 課後感想 *****

呢一日上課鼻敏感嚴重得太緊要, 都唔係太集中到, 大部份時間都由爸B負責帶住靖天, 課後食左藥, 訓一覺後第二朝起身已經唔多記得課堂上既內容….  唔俾拍攝, 單靠記憶真係好高難度……  

經過上一課老師在”耐性”方面的建議, 我同爸B都盡量多數1-10等靖天等上幾秒先滿足佢, 暫時心肝都肯接受, 今課做總結時, 張姨姨再次”舊事重提”, 希望數1-10, 可以訓練小朋友耐性同時, 亦都明白唔係樣樣想要就即刻有…..  採用sUPER nANNY既方法前, 或者張姨姨既方法, 可以幫到心肝解決”無耐性”的問題…. 著實都唔想用sUPPER nANNY O個套教靖天… 太tOUGH了!!!

著實張姨姨既建議真係幾有用….. 已經上畢課程既一半, 真係開始有少少唔捨得….  咁既價錢, 所學到既野, 又真係好多好多…. 未上完已經可以話係物有所值!! 餘下既四堂, 希望心肝可以更上一層樓, 我同爸B又可以學到更多野呢…

(167)

Comments

comments