靖天: 『爸B, 媽咪, 今日我好開心呀….. 多謝你地呀!!!』

迪士尼既夜景其實都真係幾靚…. 爸B收機前, 亦都不忙影多幾張全家照…. 

靖天訓醒, 實在太….精靈喇!!!  至少唔係木口木面呢….. 不過笑得怪相O的o者…

 
靖天: 『笑~~~~ Yeah~~~~~~~』

臨走喇, 提爸B影返幾張夜景麻, 咁有味道……

真係好"美國"…..

靖天: 『媽咪你影還影, 唔好搞我得唔得? 我又有少少攰喇… 』

靖天: 『媽咪最衰都係你, 叫爸B唔買pLUTO俾我… 依家我無手信攞回家喇!!!』
媽咪: 『好痛呀… 放開我… 關我咩事喎, 係你爸B唔俾買咋!!! 』

離開左樂園, 又走返去入口個噴水池, 爸B又話要影相啊…

靖天又訓夠左, 所以繼續生猛….
行行下仲大笑上黎…. 難道笑爸B影張相都麻麻煩煩SET鬼咁多野?!

爸B最想影既咪呢隻….. 海豚?! 好鍾意靖天的表情…!!!

之後仲加入爸B行列, 幫爸B一齊SET腳架啊!!!

原來夜晚出面個水池會"噴水"架喎……

影完相已經差不多9點, 第2日還要上班, 真係真係要走了…. 再見喇, 迪士尼, 有緣再會喇!!

靖天醒左, 上到地鐵梗係係咁影係咁影呢… 加上開始晏, 人又越黎越少….

在迪士尼地鐵上, 靖天繼續古靈精怪~~

靖天係咁電坐o係對面個大哥哥…. 卒之俾佢電到左唐老鴨貼紙返黎~

爸B最後都頂唔順, 收埋部相機唔肯再攞出黎… 咁唯有… 用機仔拍下片都好… 靖天坐車回家呢一個鐘, 實在太…..搞笑了!!!!

一塊玻璃, 一隻臭手, 已經可以逼得心肝哈哈大笑!!!

靖天在找Bellybutton? 還是想非禮爸B?!

俾爸B"O者", 靖天爭o的笑到抖唔到氣…
仲引到坐o係對面既姨姨係咁望住佢笑……..

如果唔係身痕走左入餐廳食飯, 全日消費, 就真係洗得入面既350大元… 本來諗住買多隻Pluto俾佢, 不過太…..貴了….  孤寒成性既爸B同媽咪, 當然唔會益迪迪尼… 要買, 搵傻姨啦… 呵呵!!!!

有平飛, 所以今年有呢個意外收鑊帶心肝去迪士尼打個圈…. 不過唔知仲有無下次咁解!?

如相片不能顯示, 請"重新整理 / REFRESH再試試,
不便之處, 敬請原諒!!

….. 更多….

『咱們仨』平遊迪士尼 [出發篇]

『咱們仨』平遊迪士尼 [小鎮大街篇]

『咱們仨』平遊迪士尼 [巡遊篇]

『咱們仨』平遊迪士尼 [動玩篇]

『咱們仨』平遊迪士尼 [煙花篇]

『咱們仨』平遊迪士尼 [回程篇]

(117)

Comments

comments