如果… 生多個…. 靖天會唔會都好似潼潼姐姐咁, 同弟弟/妹妹相親相愛?!

呢一晚, 爸B媽咪約左朋友上黎打返幾圈….

潼潼跟左佢媽咪上黎…..  靖天一見有客人, 即係唔扭計唔痴身, 仲勁興奮…. (難道o係屋企真係悶得咁淒涼?! )

知道潼潼十分有母愛, 加上兩個都係女孩子, 梗係玩煮飯仔….

潼潼: 『BB (對, 潼潼叫靖天做bb, 好可愛呀!!!), 我倒杯水你飲啦!!』
靖天: 『我唔想飲呀, 你斟汽水俾我啦!』
潼潼: 『小朋友唔可以飲咁多汽水架, 飲清水啦~~』
靖天: 『你仲煩過我媽咪, 我唔要喇~~』

手在打牌, 心在兩個小女孩度…. 兩小口實在太…..可愛了!!

搶來搶去, 但又唔會打交… 已經兩歲多既潼潼, 絕對識得讓佢口中既小BB…

靖天偶有搶玩具情況, 但搶搶下又會俾返潼潼姐姐….

始終年紀尚小, 兩小口總會有”各自各精彩”的時候

見到靖天同姐姐有交流, 實在好窩心…..

心肝, 似乎您真的長大不小, 再唔係之前o個個見到小朋友都”時運高睇你唔到”既BB了…

雖然靖天還是獨生女兒, 還好”霸道”既情況未算太嚴重… 亦都不太怕陌生, 一見到有小朋友入屋, 已經十級興奮, 仲倒曬o的玩具出黎…

靖天: 『姐姐, 你搵乜野呀, 我幫你啦!』
潼潼: 『你唔識架喇… 我自己搵, 唔好理我!』
靖天: 『o的玩具好似係我架喎…』
潼潼: 『…. 咁你幫我攞塊牛扒去解凍先啦!!!我搵緊個pan-pan呀! 』

o個一刻, 好有衝動想”生多個”……

好想靖天可以有個伴… 同佢一齊成長…..  一齊分享…..

玩煮飯仔, 始終都係”朋輩”一齊玩開心o的….

相片攝自2009年4月12日, 晚上

(101)

Comments

comments