靖天生病了 Day 4 [15個月篇]
經過持續高燒….. 又試過102度的滋味……
還在想, 心肝是否永遠都燒下去….. 
09年4月17日, 星期五
星期五如常上班, 中午打俾婆婆, 話靖天無燒了…. 真的嗎?! 
婆婆永遠都不會用探熱機幫靖天探熱, 只憑感覺… 真的準確麼?!
又想, 退下來有啥用…. 一天黑又會燒返… 
去唔成覆診睇e生… 唯有食過晚飯就接返靖天…
點知上到婆婆到發覺……. 無燒既?! 
去到夜晚… 真係無燒噃…
不過胃口就認真麻麻…… 都麻左好多日了…….
夜晚如常好辛苦餵左佢食6安奶… 勁滿足情況下, 同靖天大覺訓呢……
點知15分鐘後就開始狂咳…… 然後…. 嘔左2安度啦….. 
今次唔好嘔濕床喇… 賴過太多次野… 一早鋪好多條毛巾+紗巾俾佢……..
以為無事啦….
點知隔左20分鐘…. 又回吐3安俾我…..
剛換過毛巾的床鋪, 又再換過……
都嘔左5安, 諗住都應該嘔完, 無事了…..
點知點知隔左大個半鐘….. 心肝又狂咳…. 今次連最後一安都嘔埋, 仲大贈送, 將婆婆晚上 (已經2-3個小時前) 餵的藥水都咳出來……
一個多小時, 給靖天換過3條大毛巾, 一套衫…… 唔攰, 就假既….
心肝也辛苦了…. 餵好藥, 食飽奶, 點知都係要”獲利回吐“……
好辛苦捱到早上……
星期六的呢個早上, 爸B要上班, 剩下攰透的媽咪照顧就黎病壞的靖天…….
好辛苦餵過5安奶…… 一訓低, 又係咁咳… 為免又嘔奶, 又要換毛巾床鋪… 決定抱著心肝午睡…….
一抱, 就是2個多小時……. 
都唔知點解一放低心肝佢就醒, 再唔係就咳到你心都寒埋….. 抱住, 又完全無事…… 是給縱壞? 還是真的如此不適?!
星期六整整一天都沒有發燒…. 咳也少了…..
又應驗了婆婆早前說的: 要吃足3日藥, 心肝才慢慢的好….
好還好, 唔食野, 又咳下唔咳… 咪又係辛苦大家?! 
心肝有個怪現象, 吃藥的其間, 不會攰, 某程度黎講有點兒興奮…. 不太願訓….
不過藥一停, 就會表現累累的… 可以不停的睡, 沒有太多扭計脾氣…. 睡醒, 玩一會, 又再睡….. 像吃過藥很”散”的樣子……
湊佢咁耐都知佢個性比較”遲鈍”, 無諗過連食藥既反應, 都慢人幾拍…..
還好, 晚上到嫲嫲家晚飯相聚, 都表現乖乖的….. 沒有太扭計, 太大脾氣… 托賴了!!!!
是太累吧?! 晚上吃過少許 (約2安)奶, 就呼呼大睡….. 到天明….
整間都沒有幾聲咳….. 也沒有無故高燒……
好返了? 真的? 真的好返了?!
(142)
辛苦了~~ 希望靖天快D好返!!
睇左中醫未? 我同事話tuen mun 置樂花園有個中醫好好, 你係咪睇果個 ?
有好轉就好啦 !! 希望靖天唔會再嘔啦 !!
好想好想佢唔好再咳了~
希望靖天早日康復 :(
希望靖天快d好返無事啦! 辛苦你地照顧佢啦!
我根本就唔知屯門有個中醫好…….
搞到我出左九龍, 仲要鬼咁遠…. 激c我!!!
謝謝米媽的關心!!!
謝謝白雪有心了!
知道, 謝謝有心!