有朋自英國來 — 靖天初會言言
靖天: 『做咩帶我黎o的咁高級既餐廳呀, 媽咪….?!』
依家識朋友, 已經再唔係身邊既工作圈, 學習圈… …. 有左靖天, 先發現識新朋友仔真係可以在网上討論區開始….. 然後, 再由网上討論區, 走到人家的网誌窺探一番…..
繼而, 朋友, 就由此而來……
言言係住O係好遠好遠既英國…. 本屬香港人既言媽同言爸, 四月難得假期, 決定舉家回港渡假一番!
有朋自遠方來….. 與一眾媽咪的聚會去不到, 決定私下跟言言媽咪來個小約會… 結果, 是成功了!! 
還好, 靖天不再在我肚皮裏, 相約的地點也是公眾地方, 大家也不需擔心俾劏開肚子的危機. 
言言勁熱情… 硬要拖住靖天行….. 好可愛啊!!
點知轉頭為左個電話爭o的打架… 言言都有惡既一面噃!!
食左藥既靖天, 無力招架!!!
平時o係屋企, 個個都俾佢打混, 硬係出到街見到小朋友就即刻扮乖?! 
靖天: 呢個妹妹咁惡… 都係走人大吉!!!
靖天跟小白兔講ByeBye喎……
靖天對狗仔既鍾愛程度… 又曖狗仔, 又攬住佢四圍走…
近期愛上瑜珈的靖天… 無時無刻都要練習一番
本來都玩得一陣陣…. 不過靖天唔蘇人… 言言就走左去了!
靖天: 『言言, 一齊玩狗仔啦~~』
言言: 『Sorry… I don’t understand… Can you speak in English?!』
靖天: 『………….』
言言: 『媽咪, 我同靖天溝通唔到呀, 不如走咯!!!!』
唯一的合照… 貌合神離既?!
靖天: 『我都唔鍾意同鬼妹玩既, 哼!』
言言: 『我係中國人黎架!!! You Know?! 』
謝謝言言媽咪的體諒, 靖天在約會前幾日開始發燒同咳, 言言媽咪也沒有介意, 跟言言一起赴約….
簡單的一個下午茶…. 說東說西… 話咁快就3個鐘…..
謝謝言言媽咪幫我睇住靖天等我可以食個安安樂樂的下午茶… 
謝謝言言媽咪幫靖天拍下不少照片, 雖然尚未到手….
好耐無遇過一位如此隨心隨意的媽咪… 感覺十分自然, 舒服……
寄望, 有緣再會了!!!! 如果中左六合彩, 咱們仨黎英國探你!!!!!
(159)
哈哈！你Ｄ記錄好攪笑！係呀！言言好唔知醜兼惡死，佢打遍香港Ｄ小Ｂ無敵手㗎！可憐靖天病病地仲要比言言咁惡咁對待，在此為小女向靖天ＳＡＹ ＳＯＲＲＹ先！
你Ｄ相？哈哈！等我再整理吓先ＳＥＮＤ比你啦！有拖無欠！
我都好開心可以同你哋一聚，網絡世界真係好微秒，第一次見你同靖天已經覺得好親切啊！
我相信我哋一定會再聚，不過要等一年＋半載，到時靖天Ｄ英文一定好掂唧！^^
話實，靖天唔舒服你都肯帶佢出嚟，我又點會介意，仲要你約嚟約去，計起差唔多三年先有機會返香港一次，我真係會捨命陪靖天㗎！
Would you pm me her blog address?
哈哈 .. 咁幾時我地又見下面呀 ???
Yes, I also like to read Yin Yin mother’s blog, though I don’t know her, but we share some mutual friends.
WAO!!!! 咁O岩既?!
也可以啊!!!
聰媽想見我? 我求之不得!!!!!!!!
哈哈….. 真?
老友記~~~~~~
我等你得閒SEND返O的片你添呀…. 嘻~~~
十半載咁耐? 快o的得唔得呀?
我地都同開心可以同言言一聚….. 到時再見面, 言言唔好係咁講雞腸呀…