靖天: 『洗唔洗曬成咁呀?』

好辛苦捱過左一晚……

因為兩張單人床, 爸B將佢拍埋左後, 都唔夠靖天一個人碌住訓….

又可能玩得太癲, 還是太早入睡 (7點半就訓了)? 靖天到半夜開始有少少扭計, 喊… 媽咪太攰, 根本都唔多想抱…. 結果, 曖下, 唱下歌仔, 終於都訓到…..

然後第2朝未夠7點, 心肝就醒了……  食完奶, 佢精神了, 爸B同媽咪就變左國寶!!!!

起床了……..!!!!!  早上起來, 爸B同媽咪得返半條命 (張床實在…… )
但靖天就精神咯!!!!

從相片看, 就知道爸B同媽咪有幾攰….. 靖天, 您就爽啦……

玩個"噴噴"都玩得特別開心….

因為早餐時間只限8-9點 (都唔明點解既….. ) 我地早起身, 準時8點就落去食早餐了!! 靚位已經俾人霸曬….  還好, 有個窗邊位, 好過無…..

心肝早一日沒有便便, 到我地食早餐時, 開始有點兒扭肚痛… 還好, 一陣, 佢就舒暢曬, 唔係爸B同媽咪又有排受了…..

酒店奉送的早餐…. 價錢25個大洋…… 抵到丫!!!  好似去左大家樂咁….

早上既天氣同埋氣溫真係一流…. 少少涼意, 但又有太陽…. 實在不宜浪費….. 可以的話, 我希望可以跟爸B拍拖拖手走一個圈……  

食完早餐, 天氣咁好, 有太陽又不太熱, 就跟心肝到出面空地走走….

靖天: 『公仔….. 曖……. 帶曬你地返屋企好無呀? xdxdxdxdxd~~~』

見還有時間, 當然要參觀一下方舟的設施…. 傳說中的球場, 實在好標準!!!

方舟內的戶外設施….

方舟內的一個球場…. 早上吃過早餐未咩做, 同靖天到球場走走….

看台都大過人, 真係可以睇比賽啊!

見到有個姐姐同佢爸爸踢波, 靖天看得著迷…

龍門架都可以玩一番的靖天

靖天: 『高過龍門, 犀利呢….』

靖天學做攝影師了?!

在球場遊蕩了差不多一個小時, 就回到房間, 餵奶, 準備去第1個展館 — 珍愛地球館!

因為未對外開放, 所以工作人員提醒館內不能拍攝…. 成個展館分做14個小展館, 有少少似科學館 + 太空館 + 歷史博物館….可能, 未對外開放, 有部份設施都未準備好…..  (即係有O的仲係爛容容…. )

如果靖天大一點來, 呢度應該可以玩上一個下午….. 全部都好有教育意義, 有O的仲好得意….不過靖天年紀尚少, 我們省卻左"教育"既時間, 換黎就係俾佢係咁走, 係咁摸, 係咁搞搞震… 看在我們眼裏, 也是一種另類教育吧?!

珍愛地球館

靖天: 『好悶呀…… 行得未呀?!』

玩左45分鐘, 人開始多了, 見靖天也開始攰, 我地就回到房間, 開奶, 俾靖天休息一會….

心肝食完奶不消一會已經訓到豬咁… (梗係啦, 咁早起身~~~ ) 爸B同媽咪都因為昨天晚上睡不好, 一齊來個"小睡"…. 到12點夠鐘Check-Out, 就執行李走人了~~!!!

有點兒唔捨得… Check-Out, 即係要回家… 回家, 即係假期已經正在過去了…

夠鐘cHECK-oUT了…

下一個想到既地方係"方舟花園", 但係住客只可以在中午12點半至1點半進場…. 爸B奇怪點解全日只開一個小時…… 原來該一個小時只限"住客"參觀, 其餘時間就係開放俾已登記的團體……  也夠體貼吧?!

在方舟前拍拍照…. 顯得我地好渺小呀~~~

傳說中的方舟花園=======

其實只係方舟的其中一層…. 絕對稱不上大….. 一個小時, 也絕對可以走完…..

因為呢個時間只供住客參觀, 人也挺少…. 本來可以慢慢走, 慢慢影… 奈何真係曬得好淒涼… 烈日當空…..  我地都無放靖天落地, 無謂佢又扭計….. 見到"動物"心肝都無主動話落地, 可想而知, 佢其實都好熱, 同埋好唔想自己行….

傳說中的方舟花園

記憶中呢個花園用左好多錢去製造, 又真係幾靚幾特別….. 周邊無野遮擋, 所以更顥特色….

雖然係"假野"…. 但都一一跟靖天介紹各種"動物"….. 希望他日可以帶佢見會走會行既"真貨"啦……

長頸鹿高過青馬大橋呀!!!

太曬了, 靖天都無乜表情….

呢個位應該係成個"花園"最特別既地方

守衛實在….  "好森嚴", 出口無鎖又無人看住…
根本任何人都可以自出自入… (早知唔洗登記啦~~~ )

臨走, 我地走到"禁地"影返幾張相留念…
不知道將來公開開放後, 守衛仲會否咁…. 求其?!

太熱太熱的緣故, 攞回行李後, 就O係cHECK-iN對出抖左陣, 涼多陣冷氣… 加上未到坐船的時間…… 整理好所有行裝, 才慢慢離開…..

靖天對住呢枝"橙汁", 真係好開胃…
一飲, 就100ML…..

以為上船時間係13:50, 點知原來係13:45, 去到碼頭剛剛是13:45…. 給我們趕上了…… 走到氣咳… 仲要抱住廿磅重既豬仔!~~~!!!

趕唔到船, 又要等上半個小時…. 上船後俾爸B串點解咁都記錯…..  鬼知… 成日記住13:50…. 應該係撞鬼……

回程在船上, 靖天異上興奮…..
訓夠, 又無太陽伯伯, 仲有冷氣… 唔HIGH就奇….

15分鐘既船程, 話咁快就到…. 跟住再轉西鐵回家…. 也挺方便……

去到荃灣碼頭, 以為有什麼大遊行…. 整個碼頭都是人…  人龍不停打蛇餅…. 其實臨走時, 整個馬灣已經人… 出到荃灣碼頭更加恐怖… 好難想像全部人去到馬灣, 會唔會整沉個島…..  

好彩爸B夾到日期在假期前一天放假, 2日1夜的馬灣行, 過得實在輕鬆……

靖天雖然絕大部份時間都係黑面… 但實在無辦法, 佢好似同太陽伯伯有仇咁….  希望有機會, 等靖天大一點, 再來做一個"全面的教育"吧….

(332)

Comments

comments