取消長隆遊?! 對大家心死了嗎?
本人對今次搞長隆遊真係極之失望!!
搞左咁多野最後因為人數不足而取消. 請問大家知唔知道每次搞活動, 都要做好多資料搜集, 先可以滿足到各位團友?
請問各位”放飛機”既團友們, 對每次都用心去搞活動既朋友公平嗎?
我明白有些團友因為某D原因而不能出席, 我完全可以接受.
只要唔好:
“一開始就話預埋我, 我今次實去, 跟住條女唔想去, 就話活動費用貴, 自己窄窄地”
或者
“一開始問你o個日得唔得閒, 係咪要去飲. 要就大家再夾時間, 拍心口話無問題, 轉個頭又話唔知邊個無拿拿結婚要去飲“
我相信其他團友一定能夠體諒你地!
因為豬仔團信任各位對活動既”承諾”, 今次先唔收取訂金, 亦好彩因為安排活動既幾位朋友都有自己要忙既事, 所以並未為大家報團, 如果唔係就xxx, 可算係”某d人”既不幸中既大幸.
真的煩請該等人士自重, 日後請諗清楚先好應承人! 你既朋友都要返工, 都要請假…. 你地既一句話 “唔去呀, 黎唔到呀” , 你身邊既人其實要安排好多野…. 唔係人人都返5日工, 人人都咁易請到假!!!!!
本人好珍惜各位豬仔團團友15年內仍能聚首一堂, 真的得來不易!
但不停俾人放飛機, 安排好晒所有活動仲要好似”求你黎”咁. 實在已到達不能容忍既地步!
希望各位團友 對豬仔團好, 對朋友好或對家人也好, 負番一點應有既責任!! 做番一個負責任既人!!!
極度失望與氣憤的團長字
Remarks: 對於洋辛苦同佢班師奶同事爭假, 結果最後得個吉….. 實在萬分抱歉……
(258)
靖天爸B, 完全明白你既感受呀!! 以前我都係一名活動搞手, 有感每次都好似求人出席咁, 勁無癮!!
婚後既我, “專心” 做人妻子, 無再去搞尼搞路…..
不過無咗我尼個搞手, 早排開始聽日有”團友”問我幾時搞活動….嘿嘿….收山咯~ 又要搞嘢求人去, 咪搞我呀!!
我估做過”搞手”都明白….. 朋友不合作的苦處…..
嗚嗚嗚……..大家都係受害人呢!!!!
唔好唔開心!
“爸B手記”就黎要改名做”怒漢手記”~
我都想幫佢改改佢~!
媽媽其實如果你想去,自己一家去都好開心,我剛去完長隆呀,馬戲真係吾錯,水上樂園人太多,而且對bb黎講我覺得水質一般….今次我住祈福,ok喎
房租比酒店平但環境好好,入面有晒supermarket同埋食野店,吾錯ka
這是個不一樣的約會麻…… @.@
只要有幾個志同道合嘅friends一起去都無妨架!
再唔係你地自己一家去一樣得呀!
唔好咁嬲啦! 傷身呀!
對了…… 他~~~應該嬲完吧?!
哈哈. 又好似係, 近排寫親blog都係咁扯火…
做攪手係慘架 … 身同感受呀 @@ 嗚嗚嗚
唉………