成間屋, 真係無乜邊個地方係會為靖天而設..... 屋企張床設計根本就唔係俾小朋友用, 唔係靖天都唔會4個幾月就碌鬼左落黎....不過心肝真係大個了... 依家識得自己走上床....仲識自己落床.... 要知道, 呢張床, 係需要"爬兩級好窄既樓梯"先上到啊!!!本來想影佢上床落床, 點知靖天唔多合作, 結果只係影到.... 一半天, 一半地~~~ 不過好得...

靖天長高後 (其實都仲係好矮....) 佢開櫃通既難度又自我提升左....今次佢走左去梳妝枱, 開我個首飾櫃......靖天: 媽咪收埋左我o的嫁妝去邊...我明明記得婆婆同嫲嫲o係我滿月時送左好多金鐲俾我架...哼, 仲唔俾我搵到~~!!!!

靖天: 『等了又等, 媽咪終於肯同我去公園玩咯.... 』對上一次落樓下公園玩, 已經係2個月前既事......  o個陣心肝都未行得好好...依家呢.... 一睇就知呢.....  佢離遠見到條滑梯已經發曬癲咁走埋去... 跟住仲擒埋上去... 可惜, 條滑梯太"老"了... 都sir唔到既... 唯有等心肝自己擒下擒下算咯... 招招...

估唔到, 我既女兒都會出賣我..... 枉我平時咁錫佢, 對佢咁好.... 佢竟然咁對我....生女丫, 生女丫!!!!! 

呢排靖天鍾意玩脷...仲要申到鬼咁長.... 條脷就黎掂到個下巴.....o係街人地撩佢, 佢又係咁申脷, 都唔知想點.....lam到成個下巴都濕曬, 好核突呀~~~  

二部份唱.... 好聽喲!!剛剛起身... 靖天就想唱歌.... 仲要同媽咪合唱喎.....好聽麼?! P.S. 媽咪剛起身的樣子.....挺嚇人啊!!!! 大家要有心理準備喔!  

正所謂, 病開有條路.... 好返腸胃炎, 又黎小支氣管炎......朝早食過奶後, 靖天就咳左幾聲, 仲聽到好似有痰咁....到起身就係咁流鼻水..... 估佢又唔知係咪冷親啦~~~於是中午就帶左佢落去睇e生.... 點知e生聽左陣, 就話心肝條氣管好窄.... 仲問: 你好似有氣管敏感?!我話無, 不過...... 老公有呢~~~~ 跟住佢話靖天係小支氣...

前日同靖天睇完e生, .... 情況並未有好轉....食左止痾藥, 仲痾得嚴重左....便便已經好稀, 已經好多次痾到漏濕條褲仔...水還水, 便便還便便....有時就好似蛋花咁...... 雖然仲未痾到patpat損, 但每次望到佢連條片都"承"唔住漏曬出黎, 個心真係好唔舒服.... 琴日起身2個鐘已經痾左2次..... 未食到3日藥已經忍唔住再帶佢見e...

呢一日..... 食完野就同靖天o係床到hea......百無聊賴... 靖天竟然... 攞起佢條腳仔o係度...9個半月喇, 呢個動作出現o係靖天身上真係少之又少.... 不過其實真係好得意, 覺得佢真係好bb~~~~ 靖天: 媽咪你咁都影人..... 醜怪!!!!

呢一日, 我再煮左三文魚粥過靖天試下.....不過佢食左半碗就唔要...... 其實心肝唔係飽, 只係唔知點解佢食食下就會驚左個匙羹, 眼尾望到隻羹都會咪實個嘴.... 平時食粥佢就係咁架喇......... 擰到頭甩都唔肯張開個嘴, 實有性格!!!!!靖天呢o的咁"倔強"既性格, 又令我聯想到.....佢大個左會唔會好難教?!

suppose 8個月大係唔需要返健康院........ 因為靖天6個月時都check到個頭圍大左小小.... 咁我咪得閒就同心肝佢度下有無又偏大到囉.... 早幾日見心肝都8個月大, 又係時候度一度....點知一度.... 47cm?  無理由咁大架... 再度,... 46cm?  囉返本手冊出黎..... 97%????????? ...

靖天平時o係屋企係點?! 咪咁囉....因為靖天都好痴身, 加上佢成日都會跌親 (屋企好多危機), 所以望少眼都唔得.點解靖天成日跌....因為佢成日周圍爬囉... 首先擒去窗台, 左望望右望望......跟住又唔知點解可以走左去張几仔既後面... 不過佢最鍾意都係個電視櫃.........

原來靖天連呢樣都遺傳左我..... 小夜鬼一個~~~食過奶, 換好片, 開左冷氣涼浸浸,理應可以c c服服咁訓一覺...可惜小夜鬼吳靖天..... 就越夜越精神.....靖天, 再係咁您就會有對熊貓眼架喇~~~

平時, 佢o係屋企就係咁....... 靖天耐唔是都會發下"吽哣".......唔知佢入曬神諗乜呢?! 呢期佢學識"咪"實個咀...... 巧搞笑~靖天: 影咩呀影.... bu.....

見好多bk既媽咪都話combi學習杯好, 咪買黎試下囉....點知.... 靖天當左個杯係玩具.....聰明絕頂佢既, 竟然咬住個鴨咀, 等o的水滴曬入口,然後, 就一次過噴返曬出黎....... 睇黎,一個成百銀既學習杯, 都係會俾佢當左玩具,又或者係長埋雪櫃入面.....

7個月既第4個星期.... 靖天可以自行站立了!! 終於, 靖天真係長大了, 學懂唔扶住野, 都企到.....不過好似不倒翁咁.....搖下搖下~~~  

爸b 終於可以揹到靖天喇~~~~ 今次買呢條仲輕身o的, 好似大條少少...俾爸b試過, 佢都o岩用喎, 正正正!嘩, 爸b好大舊豬腩肉耶....fit到漏......好似煮飯公呀~

所以幾時都話, 女人係善變的動物... 靖天不嬲都無定向, 鍾意點就點... 靖天: 好喇, 唔好再影喇, 我想要媽咪, 幫我叫媽咪黎~靖天: 仲影?! 爸b你快o的去呀, 聽唔聽到呀?靖天: 我叫你去呀, 去呀, 去呀.... 我喊架喇~~~ (呢個時候, 都仲見到對眼仔)靖天: 嘩嘩嘩嘩... 嗚嗚嗚嗚.... 媽咪呀~~!!!!(已經喊到無左...

其實...... 我又唔覺得佢頭特別大, 只係度左出黎, 多左少少咋麻...上回講到要見e生.......唉........ 入到房就知今次c梗...... 呢位e生上次已經見過, 一個字: 串!!!!10個串, 我會俾佢11個串囉........e生: (度度度)...... 無野呀, 都無問題, 洗乜見我o者~我  : (關我鬼事, 我夠唔想見...