見好多媽咪為自己既仔女準備好多野…… 又閃咭, 又圖書, 仲有好多益智玩具……

但極度懶散既我, 一直都以“隨心所欲“黎調教靖天, 即係佢第日想點就點, 想學乜就學乜, 想做乜就做乜…… 唔洗識幾千個生字, 只想佢健康快樂……..

加上靖天由o係我個肚入面開始已經極度唔鍾意聽音樂…. (次次聽親都會唔耐煩), 所以我都會覺得佢係無乜音樂天份, 更加唔洗教……. (雖然我呢個媽咪有8級鋼琴…… )

睇過一個mami既网頁, 佢用閃咭訓練個女, 跟住佢個女讀幼稚園就已經識差不多一千個生字……勁!!!!! 我就無咁好耐性喇….. hahahaha!!!

不過靖天都3個半月, 又唔識轉身, 又懶去囉玩具, 已經深知不妙 (好明顯係蠢女一名), 咁我都要做返少少野, 挑下佢o的學習意欲, 咁唔考第一唔緊要, 都唔好考包尾要留班丫…….

記得TWINS當年出過幾隻英文兒歌既CD, 都幾得, 不過已經差不多十年前…… 上网搵過, 無……. 爸b又去過o的cd舖都搵, 都係無曬貨…… 心諗: 算啦, 咁再睇下點先…… 點知今次爸b又出奇地上心, 搵左幾間, 終於俾佢搵到vol 1 & 2 (我指明淨係買vol 1 & 2先, 事關去到vol 3 & 4既歌, 我一首都唔識唱…….)  咁我都唔識, 點教女?!

今次爸b真係好抵錫…….. 返到屋企就急不及待開俾靖天睇…….. (o係呢方面, 爸b係做得幾好, 又俾靖天聽classical, 又咁有心買cd俾佢)

初初以為靖天都費事睬我地…….點知……. 佢又ok鍾意喎, 望到眼定定添…….

靖天, 入面廿幾首歌, 唔多…… 媽咪淨係想你聽呢幾年後, 入到幼稚園, 識唱一……..首咁大把, 就得喇~~~ 聽3年, 學一首歌, 您唔會真係蠢到學唔掂卦?!

吳家大小姐, 坐都坐得串過人……

可惜, 隻cd係VCD格式, DVD已經斷曬貨………. 所以畫面既質素奇差……. 好彩靖天仲未識得睇到咁仔細….. 不過爸B就話會睇壞眼 (真係超搞笑……) 死都要搵返隻DVD返黎……..

咁我唯有拭目以待…….

(115)

Comments

comments