靖天再嘗糊仔
隔左差不多2個星期無食糊仔…….. 今日再黎過!
今朝靖天又唔肯食奶, 搞大半個鐘仲有半安剩,
嬲嬲地, 決定將o的奶開埋糊仔塞佢食埋佢! 
俾殘暴媽咪塞食糊仔既靖天!
閉實個嘴既靖天: 我唔要呀….
媽咪: 張開口啦, 靖天!!!! 
靖天: 好難食呀…….我想嘔!!!!!
媽咪: 家陣我要你食毒藥咩!!!!!
靖天: 等我lur返出黎…
媽咪: 你lur丫, 你lur一啖我餵你食返2啖!!
靖天: 好辛苦捱完碗糊仔…..
. 但又要捱飲水!! 點解我咁命苦…..
媽咪: 唔飲水, 陣間便便唔到您就知痛苦!!!! 命苦? 我餵您食, 我條命苦過您囉!
(133)
咁靖天係咪最後都食得哂碗糊仔呢？
加油呀！靖天一定會愛上食糊仔，繼續保持你o既耐力呀！
唉…. 好心靚媽你就唔好咁勞氣啦!!!
我仲未比BB試糊仔, 唔知佢鐘唔鐘意呢! 見到你餵糊仔, 好似同靖天搏鬥咁, 真係辛苦你!
咁下次你餵丫………….
我估, 都無乜邊個BB有靖天咁衰格~~~
當然, 因為我會塞佢食……… (係咪好變態呢)