女大十八變 – 豆腐天
5個月半既靖天, 終於一嘗做”豆腐”既滋味~
事緣星期日既聚會之後, 夜晚開始靖天就有兩聲咳……
以為佢扮野啦, o係度玩, 無理佢….
點知前晚半夜開始變得好嚴重, 半夜係咁咳, 仲聽到好多痰束住條氣, 搞到佢成晚連奶咀都食唔到~~~~
然後聽到佢個鼻好塞, 抖氣好重, 咳聲中亦都帶有痰聲….
琴日朝早起身, 決定同佢去睇e生… 本來想同佢出荃灣搵返劉e生, 但係o的時間又就唔到; 因為下午一定要返公司, 就算朝早請左假, 點計都出唔到去 (無計, e生3點幾先開門), 又一次恨自己點解唔好好咁練習手車, 依家急需喇, 又驚左架車….. (唔係c6買架咁新既車, 我怕咩撞! 
)
打俾靖天婆婆, 佢話附近有個女e生幾好喎, 好細心, 又話係兒科又婦科, 咁免為其難, 就去睇下囉, 講到咁好;
出門口前上网search, 竟然搵唔到佢個名, 個心都已經涼一涼, 入到去, 一張佢既畢業証書都無show出黎, 再望下門口: 咩內外全科學士? 即係唔係專科啦……. 我話: 佢都唔係專科, 靖天婆婆就指住診所入面個board話: 佢o係瑪麗e院兒科做過架~~~ 我當堂呆一呆….. 大佬, 咁佢要實習, 梗係度度都做勻架啦, 唔做過點畢業呀~~~
好啦, 入到去, 就好似大人咁睇佢, 要佢坐o係度, 可能睇慣左胡e生同埋劉e生, 慣左bb睇病通常都訓o係度睇等佢唔好扭計, 呢個e生要心肝坐o係度, 仲要塞條棍入佢喉嚨睇佢有無發炎, 嘩…….. 佢bb黎架咋, 唔洗咁”惡”卦?! 
跟住靖天婆婆順便問埋心肝對腳既濕疹 (因為靖天依家”爛”到無忽好肉), 個e生望都未望真就話係濕疹, 
真係火到黎埋…….
然後話心肝傷風感冒 — 講得好呀, e生!!!!!
我問點解無端端會咳, 佢又話bb出世6個月無左母親既抗體, 自然會病……. 嘩, e生, 你真係夠曬detail同埋專業喎!!!
問完仲要俾個咁既e生串話: bb第一次病呀?! 
我心諗: 心肝唔係第一次病, 不過第一次見個e生咁”專業”!!!!!!
等我媽咪同細妹講到佢幾咁細心幾好好幾咁巴閉, 真係xyz……. 睇我個女就咁那求其….. 唔係就唔到時間, 我都唔想同個女睇佢!!!
奉勸各位住大西北既子民, 千祈唔好幫襯呢位”陸欣欣”, 佢既”專業” 實在令我大開眼戒!!!!
就係咁, 靖天就變左豆腐天,
好耐未見過心肝唔會跳跳扎, 同佢玩, 唔識笑, 俾野佢, 唔會囉….. 變返一個bb咁……
原來, 平時既小魔怪, 先係最討人歡喜~~~~ 
(479)
胡立輝醫生 兒科專科 最新地址.
九龍尖沙咀彌敦道26號13樓1302室
電話: 28682000
http://www.drchriswoo.com
謝謝更新!!!!!!!!
湊BB最驚嘅就係BB生病
童年逃學經歷 生命深處 此去經年 蒲公英花開 想念，憶城的一切 畫像 家鄉的螃蟹 狐女 花開花會落 習慣了一個人的孤寂
對啊, 真係………. 好慘~
你未入去已經唔信個醫生啦, 甘你當然覺得佢唔好
朋友介紹的,做過’無國界醫生’,一定係好人一個~
胡立輝醫生,兒科專科
尖沙咀醫務中心: 2723 1199
荃灣綠楊新邨: 2498 7288, 2498 7633
哎吔…醫生唔好亂睇呀…如果你住荃灣/尖沙咀附近,不如介紹個好D o既比你呀…
咁你睇開邊個呀?
唉…唔好嬲啦!!!普通醫生同兒科專科確係好大出入架!!!總之小朋友病就令到父母擔心又辛苦啦,佢而家食完藥有冇好d呀
小魔怪！快d變番身呀！你媽咪好擔心你呀！唔好病病呀！快d好番呀！
就係無好o的, 先忟.
我之前都係睇胡e生架………
不過佢俾我既濕疹膏唔多掂………
so輚左第二個囉;
thanks呀
又關你事?!