豆腐天的非人生活
食過藥後既靖天, 變得軟拿拿…..
抱起佢時, 只會軟手軟腳咁伏o係你膊頭, 教人憐愛;
同佢講野同佢笑, 都無曬反應……
只怪那討厭的咳藥水, 味道似足大人食既咳水, 開始有點兒擔心: 小朋友是否受得來?!
然後, 本身練緊仙既靖天, 變本加厲, 唔食+唔食, 全日20安都無….
因為攰? 因為o的藥水? 夜晚不停咁喊, 不停咁扭計…. 還好, 只要我抱緊佢, 佢還是會靜下來, 抖抖氣~~~~
食左3次藥水, 情況並未有改善, 可恨琴日8號風球, 唔可以同佢搵劉e生….. 
咳, 嚴重左; 鼻水, 流多左; 似燒非燒, 都係食左兩次退燒水
昨天的一餐藥水, 可能餵得太緊, 然後藥水帶奶, 一次過嘔返曬出黎~~~~ 
每咳一聲, 個心就痛一下;
聽到佢好多痰, 咳唔到出黎, 束住條氣, 個心, 好痛好痛….
只怪太過大安旨意, 可能就係星期日出街涼一涼, 凍親吧?!
靖天: 對不起!!!!
快o的好返, 您話乜就乜, 好無?
(413)
靖天，你聽到嗎？媽咪話你話物就物喎！ee會同你做證，你快d加油，唔好做軟皮bb啦！
嘩, 咁多EE 睇住, 即係無得反口啦;
靖天要快d好返, 唔好令爸爸媽媽擔心呀~~
多痰既話, 試下反轉佢, 要佢扒o係度, 扒扒下會易d咳d痰出黎, 尋晚哲哲都好多痰, 佢自己扒o係度玩幾下就咳左好多出黎, 次次哲哲都係自己咁樣咳出黎ga, 你都幫靖天試試啦
今日落左波, 靖天真係唔好的話要再帶佢睇醫生
唉…我都好明白BB 病﹐爸爸媽咪真係會好心痛架﹗
Baby Bertin 三個月大病﹐都試過好多痰﹐條氣管收縮好難呼吸﹐要用機器黎幫助曠張氣管先惦﹐見佢每次喊到C 去活來咁﹐個心都實埋。
有老人家教﹐如果多痰﹐可以幫佢啪痰。好似掃風咁啪個背脊仔﹐聽聞話可以啪鬆D痰等D痰唔好韃實個肺﹐容易吐D 痰出黎﹐亦令佢舒服D﹐一試無妨呀。
希望靖天快D 好番啦。
點自己咳呀? 不過我一聽到佢咳得勁, 我就抱起佢, 我怕佢抖唔到氣…..
佢今日又好返少少, 諗住佢食多日藥先;
拍背脊我成日都拍架, 不過佢好似好lump咁……. 無理反應, 係咪我唔夠大力呀?
冇事0既,好快會好番0架喇
拍痰係真係有用架~
果時我個醫生教我, 首先將bb伏喺自己大比上面, 跟住就拍個背脊既兩邊肺部位置(即係兩邊腋下往背脊既位置, 先拍左邊20下(輕手), 再拍右邊20下, 重覆2-3次咁拍, 咁bb應該會lur d黏液出黎, 果d就係痰架啦~~~
anson5個月時我都係咁拍, 老公就喺下面用紙巾接住d痰.
同埋你最好幫佢換下床單枕袋, 飲多d水添~
希望靖天快d好返啦!你都唔好咁擔心, 小心自己既身體呀
BB咁細盡量唔好食咁重藥
多痰你要密ｄ同BB拍痰，拍鬆ｄ痰先可以快ｄ好，我個仔由細到大（現在１４歲）有咳有痰我都是同佢拍，你試試。
唔好咁擔心，你同BB都要休息多ｄ，如果唔係無精神照顧佢^-^
咁神奇? 咁今晚我試下先;
我地唔止同佢換床單, 我地同佢換左個”竇”添呀