靖天第一次去戲院
靖天快6個月喇, 今日咱們仨又去挑戰下…….. 自己~~~
一直以黎都好想帶靖天去睇戲, 雖然佢未識睇, 但都好想一家三口入下戲院;
之前上sex & the city已經想帶靖天睇, 點知細妹話3級片, bb都唔入得……所以無去;
跟住見上功夫熊貓, 卡通片無問題喇卦?! 加上琴日同爸b一齊放假, 咁就去睇個中午場啦!!!
11點餵完奶後, 就拿拿聲換衫出門口, 去到買完飛, 仲有幾個字, 可以打個轉……… 入到戲院, 一陣就黑曬喇, 不過靖天不嬲都對燈光唔太sensitive, 加上有個超級無敵”大電視”過佢望…… 佢變得勁興奮, 仲望住眼仔碌碌咁~ 
點知開場無耐, 我就知唔應該帶bb睇戲……. 
我忘記左, 戲院既音響比較強, 小朋友既耳仔未必受得住…… 雖然唔會即刻變聾, 但令佢有唔舒服既感覺都唔好麻~~ 唉….. 第日都係少睇為妙…… 
隔左陣, 靖天就好似想訓覺, 咁梗係拿拿臨”愛”佢訓啦…….
心肝真係無得頂, 好快已經訓著左,……成個軟曬咁趴左o係我心口, 咁我同爸b就可以好好咁享受呢套”產後”既第一套電影喇!!! 
不過靖天訓左著, 我都全程同佢”hum”住耳仔, 免得佢嚇醒, 又或者加重佢耳仔既負擔…. 一隻手抱住佢, 一隻手”hum”住佢耳仔…… 講真, 真係幾攰~ 
睇完戲, 靖天就起身喇, 仲好好笑容咁…..真係乖到呢……. 
O係門口影返張相留念先, xdxdxdxd!靖天, 等遲o的你坐得再好o的, 我地再入場睇過, 好無?!
(386)
三人行去睇戲真好﹗最好係靖天乖乖俾你地睇左成套戲﹐好難得呢﹗﹗
嚮Van. 呢邊﹐我地有D 戲院有mother and baby package﹐通常非繁忙時間先有﹐係俾一眾媽咪/父母同BB 一齊睇戲﹐因為全部都係有BB﹐所以有BB 喊聲都唔會有人介意。仲有﹐聲浪通常會細好多﹐會錫住BB 對耳仔。我仲未試過﹐可能有機會都會試下﹗
我絕對認為係角度問題!!!!!!
同埋c6部電話影到沙龍咁…… 呃得下人
真係勁羨慕,比著我…..彤彤…..0係入面嘈,一定勁嚇人勁討厭!!
你應該搵次試下麻
話唔定彤彤會愛上電影呢~~~~
嘩, 你咁夠膽帶靖天去既? 我又冇你咁細心諗到佢耳仔問題, 只係怕佢吵上黎我唔專心睇戲ja, 哈哈
呢o的係咪船頭驚鬼…….?! kekekekeke
咁佢大個都會去睇戲架啦, 自小訓練, 好過第日入到去怕黑麻, 呵呵
哈哈！難倒你無睇個嗰篇電視對兒童o既影響o既文章？你仲帶靖天睇埋大電視tim……
我都想試下, 不過C6實唔比啦! 套sex & the city 仲未睇添!
一次半次唔怕啦~ KEKE
點解唔俾呀?
睇你條手臂, 真係幼番好多啦!! 喺我既眼中, 已經合哂格!!
靖天真係乖乖啦!等你哋可以享受一番.我仲以為靖天會喊…不過就難為了媽媽對手.我哋淨係等bb喺保母家先可以兩枝公去睇戲咋!
kekeke~我今日都同老公睇左,好好笑
如果我係你,我實睇到唔記得左個bb….
咦！睇相你好似瘦番好多囉喎！
係咪可以著番細碼衫喇?? 
真羨慕死人！
無所謂啦, 佢乖就得架喇
你咁鍾意小朋友, 自己個bb, 點會喎, 傻婆;
tammy你真識講野;
邊係瘦丫…… 我估仲爭…… 5-10%度啦;
離我目標仲有一段距離但已經想放棄….xdxdxd
不過o的細碼衫係可以著返…. 但就著得”豐滿”少少咁囉…… kakaakakakakakaka
香港有呢o的service就好咯