靖天第一對鞋仔
終於買到對靚鞋仔俾心肝喇~~~
o個日去睇戲, 經過運動店, 爸b話想幫靖天買對鞋仔….. 因為上次gathering見到哲哲佢地個個都”有鞋著”, 係得靖天成個”爛仔”咁…… 所以好想幫心肝買對鞋喎~~~~
我話買呢o的鞋好貴架…… 又唔禁著…… 但係爸b堅持, 咁算啦, 橫掂又唔係我俾錢, xdxdxdxd~~~ 
入到第一間, 個sales姐姐話無, 叫我地過隔黎adidas專門店睇喎….. 臨走前仲問心肝: bb有無3個月……
三……….個……….月…….. 
靖天, 叫左您食奶架啦, 家陣俾人話您得3個月咋!!!! 
跟進過左隔離adidas專門店, 初初sales姐姐望到靖天, 都話佢太細唔會有佢size, 但轉個頭佢就sell我地賣佢枱櫃display出黎新出既兩款鞋…. 嘩, 真係幾令咁喎!!! 仲有9折, 咁就問下佢可唔可以試鞋啦… 一試, 咁大隻既…… sales姐姐話仲有個最細既碼, 俾埋靖天試…. 其實都係大左少少~~~ 但係靖天話唔定過幾個月就變大變大變大, 咁著得耐o的, 所以決定都拍板喇……
不過期間有位年過40既嬸嬸見到我地幫心肝試鞋, 就走埋黎話: 咁細對, 好快唔o岩著架咋… (因為佢聽到我地要最細既size)….. @@#$#^$&q#$#$% 
阿嬋, 關你鬼事咩, 我地係鍾意買咁細呀, 慘得過我個女著得落….有餘~~~ 又唔係你俾錢, 你理得我地o者…. 見我同爸b, 仲有sales姐姐都當佢透明, 佢就….. 好無癮咁閃左~
靖天第一對屬於自己既波鞋…… 我地一定會好好保存!!! 
(324)
Baby Bertin 都有同一雙﹐係有個姨姨送架﹐不過係藍色既﹗我都鐘意小朋友著波鞋仔﹐有型有活力﹗
同Maggie 一樣﹐我都通常都會買大少少size。我覺得佢識行個時比較需要著鞋仔﹐同個時著鞋仔行dan o下dan o下仲得意。如果要買而家著得o既size﹐就一對起兩對止就好啦﹐等大少少再瘋狂買多D 都唔遲﹗
銀色幾靚呀~波鞋長興既,遲d靖天岩著都唔覺out!!!
係啊, 我會留念架, 幫佢儲起佢;
嘩, 同我個仔對一樣呀﹗不過我個仔對係黑邊﹗
有朋友話荔枝角香工有, 平DD, 好似百四蚊對。第時對腳仔大再買過﹗
呀, 對鞋軟底, 好似話係最適合學行的BB, 如果著于厚底會影響佢地對腳的觸感發展。
我個仔現在知道每次著鞋 = 去街街﹗所以著親就會好開心, 自己望住笑啦﹗其實我都覺得BB出街著鞋型D呀﹗
咁犀利, 著鞋就知有街去…..好叻仔呀!
荔枝角香工有? 咁有機會真係落去望下先, xdxdxd
呢對…咁0岩0既,7.1 我去sogo見到都想買..不過又好似實在太貴170蚊呀
E??? 呢對咪同天朗同款o個對囉, 哈哈~
不過我好早已經有啦, 係朋友送既~
至於鞋仔啱唔啱著好難睇呀~
yy: 係呀, 179, 9折囉 我都覺得貴……….
kathy: 係????? 竟然??????
係呀, 上次gathering o個對麻~
其實暫時鞋仔只係做樣著黎睇,遲下真係識行就真係要買d好0既,唔係著壞腳就慘,所以我遲下先買貴少少囉
係呀, 呢o的軟皮架……..
對鞋仔好靚bor, 期待見到靖天著靚靚新鞋呀, 個鞋底閃ga??
其實我覺得買大少少好d, 因為佢地又未洗行既, 二黎大d好似冇咁緊, 有時太arm arm好怕佢地cool住隻腳唔慣唔舒服同太焗, 試過次前有次既經驗, 再買第2對時我買大左, 哲哲就冇咁扭成日踢隻腳好似想整甩佢咁
有機會著俾你睇, 你就明架喇………
對鞋細細對, 好可愛!! 靖天着咗一定好型女!!
似唔似玩具……..xd~
你係咪買1k呀?
算啦~~唔好成日太介意人地講既野啦!
呢位媽咪勿誤會……..
係? hehe~~~ 係呀, o的bb波鞋真係好鬼令~~~