靖天6個月人仔喇!!!!
以為係普通檢查, 點知……真係鑊鑊新鮮鑊鑊甘…….. 
琴日一早就同心肝出左劉e生度打針….. 今次靖天勁咯, 吉左落去, 喊左2下就停左…. 仲要3秒極速同護士小姐玩, 狂笑…… 真係吹啤~~~ 
然後下午就同心肝返健康院做例行檢查~~~~
上磅……. 6.87kg = 15.11磅…… keep住25%條線走, 不過就已經過左少少, 介乎25 同50之間咁囉……. 估唔到靖天食得咁曳, 都增到磅喎….. 梗係, 佢呢兩日又食返多左麻…… (唔會小氣卦~~~) 
但無度高既?! 我問姑娘, 姑娘竟然話依家唔會再度高….. 我開到聲叫佢幫我度下, 佢都話無得度, 話度出黎都唔準, 又話bb會唔鍾意….. 唉, 算啦…….. 仲諗住睇下心肝係咪仲係咁短添……..
入到去見姑娘, “驚喜“又黎喇…… 姑娘幫心肝度頭仔, 度完第1次, 佢望完個表, 又再度, 我已經奇怪….. 點知度完仲叫埋隔離房個姑娘幫靖天度下…… 跟住我就問姑娘, 多左定少左….. 佢話比之前大左少少….. 大左少少? 即係又跳左去第2條線啦~~~~ 
跟住即刻囉本手冊出黎望, 由出世到5個月大既 靖天, 頭圍不嬲都keep 住o係50條線, 但唔知咩解究, 今日度, 竟然跳左去75%……
又問我bb有無咩特別問題, 例如無反應, 唔識喊…… 咁梗係無架, 靖天過度活躍架麻~~~~ 但姑娘話都要見一見e生喎……
其實我細個時, 靖天婆婆已經講過我去健康院檢查, 又係俾全個院既姑娘同埋e生度頭圍, 仲要好大件事好緊張咁…..無他架, 咪因為個頭太大囉……. 估唔到, 心肝竟然同我一模一樣…. 個頭又係大到要見e生…… 佢係我個女o者, 唔洗似成咁麻?! 
如果我以前唔係有個同樣情況, 我估我又….. 俾姑娘嚇到cc下……..
我聽完姑娘講又見e生時, 淨係覺得好搞笑, 有乜可能似成咁……. 
可惜e生無時間, 又要返屋企hea一陣, 晏少少再去, 約第2日我又安排唔到時間…心肝真係…… 俾佢玩c我……..
(262)
ar……… 其實25多少少…..都ok…… 50又好似肥左少少, kakakakka
係25%以上，唔錯啦！等你仲咁擔心，佢又開始食得多番，好快進軍50%o架喇！^^
靖天半歲大快樂﹗﹗原來靖天同哲哲差唔多時候出世架﹖﹗真係有緣份﹐第日唔知道可唔可以做埋好朋友呢﹗﹖
依家已經係好朋友啦
有驚又有喜.哈哈哈!
祝靖天快高長大!體重,頭圍同身長keep住係50%或以上!
今日再路過見到此網頁，BB好可愛！
證明靖天真係似你啦~ 靖天個頭仔真係幾大….
frankstam: 謝謝;
林師奶: 係囉…..好似唔似~~~~
應該無問題卦? 如果哲哲唔嫌靖天太粗魯…. keke
體重係….25%咋. 不過keep到我覺得已經萬幸, haha