靖天上學了@ 選校篇
其實一心都諗住幫靖天報間英文既幼稚園……
以前有個心願, 想自己既子女可以讀國際學校…. 識多o的唔同國籍既小朋友, 學多o的其他語言, 可惜實在太…..窮…… 國際學校一年閒閒地都十萬八萬….. 真係無咁既能力, 唯有放棄啦;
跟住又想幫心肝報間全英文幼稚園, 點知成個屯門得一間, 評價仲係一般…. 所以都係算….. 唯有等佢課餘時幫佢報o的英文班算~~~
睇左o的資料, 屯門好既幼稚園來來去去都係o個幾間, 左揀右揀, 都係決定同佢報呢一間……
其實地點真係10個唔方便….. 但唔緊要啦, 計過度過o的時間, 相信我可以車佢返左學我先返工…. 咁放學時間或者就要麻煩靖天婆婆喇~~~ 
(如果爸b架車仲未賣…….)
環境亦都有8個唔好….. 屋邨徬, 對面馬路, 巴士站….. 好似沙塵滾滾咁…. 仲要”平房式”設計, 簡單黎講即係”細”!!!
細望間學校, 個心真係有一刻動搖: 下? 我個女讀間咁既幼稚園? 唔係fa…… 
但諗深一層, 佢係讀間學校既教育, 唔係讀佢既外表, 所以都係…… 唔理咁多~~~~
有咩好? 其實我都唔知係咪真係好……. 既然十個有十個都話好, 咁一試亦無妨, 何況報名費只係十個大洋….. 一報又何妨呢?! 
計劃活動教學 + 蒙特梭理教學, 個個家長讀過都讚好, 讀完N1離左校第2年又係要走返去請個校長收返……. 無咁既goodwill真係唔洗諗……
咁靖天係咪真係適合? 我估至少好過o個o的一入學無耐就要小朋友拿起枝筆學寫字既學校卦?! 
壓力無咁大時, 我又無咁辛苦…… 我估…….
有無直升小學? 無….. 成個屯門都無…..
升小一派位如何? 好似話都得得地….. 傳聞話派過去油天等”名校”…… 但唔關我事!
師資聽聞好得喎, 至少o的老師都好細心啊…..
(406)
我D 朋友都好BUY救世軍的幼稚園。
咦！你樓下個間啟思唔得咩？我聽聞都好多派入去保良局小學，咁第時咪直升保良局中學囉？！
嘩… 真係好有速度呀﹐我到而家都未幫Bertin 報pre-school… 這個媽咪真係有點…懶…
咁快就要開始報定名架啦?
靖天好似仲好細架炸喎
屯門區好似無咩好既小學同中學, 我都擔心緊第時我既仔女點好…..
你實係做哂 research o架啦, 到時跟你就實無死~
HI
我近排都幫仔仔(07年12月出世)我話亞b係06年出世打電話去問,現+D學費好貴tim…
問過好多都係半日.
我成日話去問都未問….唉…真係要快d先
Suddenly I afraid become a mother…..
07年12月咁你會唔會10年入學呀?
所以救世軍咁”吃香”因為佢學費真係都幾….平~~~~
唔洗咁緊張啊….. 但你真係記得問呀!
傻既, 有咩好驚喎….. 放鬆o的~
係? 咁希望我無揀錯啦;
樓下間啟思我覺得麻麻地囉……
犀利, 我樓下有間啟思你都記得~
只係我太過緊張同心急o者……kekekekeke
咪淨係呢間要咁囉….. ~.~
撞鬼你. 到時我怕我已經out date喇…….keke