7安!!! 7安!!!!
我心肝終於突破6安喇!!! 
早o係心肝3個月時已經食緊6安奶……以為好快佢會食到7安, 8安, 點知去到4個幾月就開始厭奶, 一厭, 就個幾月…… 同期既朋友仔個個都已經7安8安咁食…… 
直至6個月初時, 佢既食奶情況先得以改善… 肯餐餐食曬6安奶…
去到呢個星期, 靖天婆婆就成日都同我反映話靖天食6安唔夠食, 次次都要補返1-2安奶粉…. (因為o的雪奶係set好曬6安一枝, 無多無少…) 初初我都話唔可以, 但就成日話靖天喊黎壓我……
點解唔信心肝食到咁多? 因為我已經唔係第一次俾佢陰…. 次次食完7安奶, 下一餐都唔食, 係完—全—唔—-食!!! 咁變相咪即係仲食少左囉….. 
(靖天婆婆梗係無問題架, 因為鑊鑊佢食完心肝都係接手餵下一餐丫麻….
)
直至呢兩日, 我朝早餵靖天時, 都發覺佢會極速咁啜曬6安奶跟住就喊, 我就開始相信, 心肝可能真係大個女喇, 需要多o的既份量….. 所以先俾靖天婆婆加奶俾佢….
於是就決定打後既雪奶加到7安俾佢…..
靖天, 您唔好再撚化我, 您係真係食至好啊…….
但知道您肯食7安奶一餐, 心入面總會好安慰, 至少知道, 心肝您真係長大喇, 需要更多既奶先維持你過度既活動…. 
希望有朝一日, 媽咪可以見到您食曬8安奶 (要餐餐都8安喎), 咁就真係very good喇!!! 
(368)
食得越嚟越叻，你真係可以小擔心啦！^^
您好丫, 我係Can’s blog refer 過來既, 哈哈, 您BB好趣致呀, 店解D奶要雪既? 請問您俾BB食邊只奶粉呢?
請多多指教~~
係呀, 就係出牙仔, 只係想玩奶咀
總之依家我有少少餵奶恐”具”症呢~~~
靖天食到7安, 好叻叻呀, 啟仁仲係只食6安, 最近仲要食得差左, 食剩好多呀
食到7安好叻, 哲哲由5個月時食到7安後就開始唔聽話, 依家90%以上係食唔晒7安要倒的
保母成日都話好食好瞓就長肉.所以除咗食,多D時間瞓都好緊要呀!
咁我又無set死既,
但食到7安, 我有o的意外o者…… 8安? 咁多? 唔好啦, 7安夠架喇…..
食得咁飄忽真係好鬼煩架, 我有時覺得.
係呀係呀, 我知呀……
所以反而想靖天訓多o的囉;
有時食得少都唔代表唔吸收, 食得多又唔代表會真係吸收, 總之唔好set死0係個框框入面啦,8安好快就會食到0架喇, 放心啦
最緊要靖天肯食，食奶時唔扭計，最多少食多餐啦!
好似小比比，宜家間唔中食5安奶，間唔中又食6安奶，可惜每次食奶都扭計。
硬要氹到佢瞓著，佢先係睡夢中飲晒。激死人!
係咪出牙仔呀?
靖天大大話話都厭左幾個月奶…. 係呢個月先正常返少少咋;
咁點解唔開少o的俾佢呀? 唔洗咁嘥丫麻
dordor你好….. 好高興認識你啊!
o的奶要雪係因為我要返工麻, 咁要儲定o的奶等我返左工時餵bb飲囉……
至於加奶粉方便, 佢就食beanstalk既……
佢太飄忽喇, 今日就……. 唔肯食…..