半歲靖天的飲食習慣
等了又等, 原來心肝o係食方面真係渣少少……. 
又或者佢真係要等時機成熟先肯接受外間既食物吧…..
踏入6個月, 心肝終於肯乖乖咁食曬小半碗糊仔, 雖然呢款糊仔係媽咪極度反對俾您食, 但奈何靖天婆婆主力操控你既飲食習慣, 媽咪想反對, 都係無用…… 都係鬥唔過您婆婆…. (無時無刻都好羨慕o個o的全職既媽媽, 可以自由咁去控制子女既飲食)
算啦, 既然您肯食, 我都唔再迫你去食o的”有機”既糊仔, 要係o的味道咁重既糊仔先能引到你張開個口, 我都無法子…… 
曾經有諗過真係迫到你肯食healthy times為止, 但可惜身邊係無人support我, 買左兩盒唔同味既healthy times, 您婆婆一句話您唔食就落街買罐雀巢開俾您食, 遠在上環工作既我, 又可以點….. 
都好, 至少您依家真係適應到一日一餐糊仔…… 仲越食越多喎, 叻女!!! 
依家4餐奶 + 1餐糊仔, 相信都無問題…..
期待您可以轉多一餐做固體…… (可惜又係一個痛苦既過程….. )
(244)
我就比言言兩餐有料米糊，但每次都係一細碗，每次都要食奶奶先肯食糊仔，之後仲要食奶 ‘瑯’ 口，仲未可以一餐全米糊，所以靖天已經好叻喇！
傲衡都係食雀巢咋!不過食咗成個月都係keep住小半碗無再加.保母話始終奶粉最多營養?!
今日另一個媽媽話問過在雀巢做的人, 話原來D糊仔係無基因改造呀, 放心啦﹗
咦? 真架? 咁就真係好消息啊………!!!! 謝謝你呀!
最少靖天佢肯食, 已經係一個好開始, 慢慢再比其他野佢試, 我今日會比啟仁試甘荀蓉
其實我都想哲哲食healthy times, 不過個姨姨好抗拒, 佢覺得好熱氣, 算啦, 唔係自己餵既都控制唔到咁多
其實可以試下加D其他味道的蓉(如南瓜,香蕉)落去D糊仔度, 咁bb應該會容易接受D, 食得多D.
我終於試左將baby food加糊仔, 佢都接受到
其他新鮮食物就無試啊. 我時間少, 夜晚又唔想俾佢食固體先訓怕佢有咩事要睇急症……. 好煩惱耶
係呀, 依家但求佢食就算…….
最想佢食到粥仔囉, 我覺得好過糊仔麻;
下? 熱氣/ 點會呀?!
唔係自己湊就有呢個唔好, 好難自己去控制………
我媽咪都係咁話, ……….. 但硬係覺得食左固體會大得快o的咁?! keke
用奶浪口咁串? 言言好識食喎