靖天每周新招 [第6個月]
忽然醒起, 我又唔記得幫靖天寫低每周新招……
6個月第1個星期:
肯自己主動張口開食糊仔… 1/4碗好快咁食曬… 學識爬爬… 雖然爬得好怪相, 又未完全撐握得好好
6個月第2個星期:
去游水…. 唔太怕水, 希望快o的學識游水啦, keke
6個月第3個星期:
食到7安奶啦…...
食到足足一大碗既糊仔…… 不用再迫佢!!!!
踏入6個月第4個星期:
極度痴身, 變左嗲精啦, 由上個月鍾意扭計到今個月鍾意做嗲精…… 見我唔到既日子 (即係與爸b單獨相處或者去左婆婆度)都無事無干, 總之俾佢知道我同佢同一間屋, 望到我就大鑊…. 佢會不停要你抱住, 攬住, 仲要捉實你唔俾你放….. 去廁所要抱住 (點抱呀…..
) 沖涼要望到你, 唔俾你上网, 唔俾你做野……. 總之你既時間要俾曬佢….. (咁似個雅培個廣告?!) 
雖然有時真係好煩, 又有少少忟佢點解變成咁, 但著實又好享受靖天咁需要我….. 始終明白到, 女兒會咁樣親自己, 要自己抱既日子實在唔長…… 依家唔抱等幾時? 
(357)
嘩．．．六個月識爬．．．
有時都覺得成日抱住好困身，不過就如你所講，現在唔抱等幾時．．．女仔都會痴媽咪耐Ｄ．．．但係男仔大Ｄo既時候就唔會o甘嗲．．．所以有得抱就要出力抱 (我覺得) heehee…
我都好享受小B黐住我的日子﹗
都係嗲D好!最怕大了想佢痴身佢再唔採你.
唉…六個月就爬爬。我地九個月啦！懶到出汁！
六個月會爬真係好叻喎~
咪係law, 哲哲近期入後波, 我想佢同靖天玩多點跟靖天學下野!
係呀, 佢肯黐你時就要盡情享受下!
米B家陣黐老豆呀! 激C我!
爬得超肉酸呢…… 唉;
後波係第一步麻, 所以哲哲又好快囉!
車, 靖天有幾叻…… 正常bb一個… 佢係bb女又大過哲哲, 梗係好似會早少少咁;
係架, 抱到手斷都抱…..
真係好窩心呢;
個個都開始話bb好痴身, 咁你返工佢有冇野呀?
無架, 我o係度先會咁……
咁都ok, 佢掛住你呀
先唔係, 靖天爬得好鬼肉酸………
咪識左一陣囉, 依家都好少見佢再爬lu…….
係呀, 真係要出力抱, kakakakak
同意同意!
yeah, 我又係咁諗……….