實在太……….感動~~~~ 6個月既最後一個星期, 心肝終於肯食粥喇~~~
其實為左食固體呢個問題, 己經同靖天婆婆嘈過NXN咁多次……..因為初頭心肝唔肯食粥, 所以靖天婆婆就一口咬定佢係唔食粥既, 亦都唔鍾意食粥, 任由我講到口水乾, 請佢繼續俾靖天嘗試, 佢都係唔再肯煲…
一直以黎心肝食固體食物既進度都比較弱…. 礙於靖天婆婆先至係心肝既大廚, 好多時就算幾唔願意, 都要無奈咁去接受靖天婆婆既安排 (最新典經係將米水加入彩虹牌度…..)
難得今個周未無街去, 又唔洗秘撈, 於是就決定自己黎…. 前一晚用滚水浸好O的米, 第二朝起身叫爸B落街買瘦肉同埋一罐BABYＦＯＯＤ, 一早就煲定粥等靖天起身食第2餐時食….. 幾時都話用熱水浸過夜O的米煲出黎係最綿….. 唔洗15分鐘已經煲到O的粥爛曬~~~ 唔洗半個鐘就搞掂, 食得!!!!! 
準備左兩碗俾靖天……….. 一碗係純瘦肉粥, 一碗係加左”料”既瘦肉粥…. 之前食幾次, 靖天食完第一啖就唔肯食, 再唔係就反曬胃嘔曬咁….. 試左幾次都唔成功後, 靖天婆婆就放棄左…. (其實我都半放棄以為靖天婆婆講得O岩靖天唔鍾意食粥仔) 點知今次食完第一啖之後, 靖天竟然自動張開口要第2啖!!!!!! 由於有一碗已經加左”料”, 所以都係餵左佢食O個碗先, 唔好嘥…….. 終於靖天好快咁食曬大半碗既粥仔….. 
實在太……..令人振奮喇!!!!
希望心肝您繼續努力, 食第2次, 第3次, 第4次粥仔啦~~
見到其他媽咪煲粥仔煲得咁過癮, 媽咪真係好想煲好多好多唔同味既粥仔俾你食架… 爭氣O的, 唔好衰俾您婆婆睇啊! 
悄悄話: 有了您之後,媽咪先咁成功煲到白粥,瘦肉粥….. 爸B以前都係食O的”有味”既白粥咋…. 呵呵!!!
(1088)
Comments
comments
恭喜哂呀！靖天好叻，媽咪放心啦！^^
我試過唔洗隔過夜, 你用少少米, 落滾水放入真空樽 (帶出街果d呢), 焗2個鐘已經焗出一碗飯仔, 之後放水去煲粥都好快好綿, 唔洗過夜啦:D
恭喜你呀﹐靖天媽媽﹗其實俾寶寶試食固體食物﹐要好有耐性o架。因為食慣流質食物o既寶寶﹐開頭可能會抗拒﹐一定要持之以恆咁嘗試先會成功。剛食固體食物o既寶寶﹐好可能只會食得一兩湯匙﹐一D 都唔出奇﹐咁唔代表佢以後都唔食﹐唔可以強迫但要再接再勵。
可以同婆婆再傾下﹐呢個係過渡期嘛﹐一路試實會成功架。既然靖天鐘意你整既粥粥﹐你可以俾個方法過婆婆﹐麻煩佢跟住做囉。
希望靖天繼續努力﹐食多D 再肥番D﹐等媽咪唔使再擔心啦﹗
咁乖食晒媽媽煮啲粥粥呀？好錫媽媽喎。小朋友嘅野，有時係要試下試下啦。唔好樣樣野都咁快放棄呀！加油！
靖天叻叻!睇嚟佢鐘意食愛心粥粥多過D糊仔喎!
well done靖天!
唔好放棄呀!咩都要試下bb既世界先廣闊架!!!
如果唔再試, 咁婆婆係咪打算以後都唔餵靖天食粥粥呀?
其實我唔會咁….. 只不過有時真係好無奈…….
hahahahaha, 又係喎……
係呀, 靖天婆婆真係一早放棄左唔餵…… 打算等佢大個俾佢食魚呀, 粉咁……
會唔會係因為由你餵, 靖天先肯食呢? 始終你先係靖天媽媽嘛~
相信唔係喇, 可能只係突然開曉吧;
謝謝呀!!!! 靖天婆婆合作o的, 我咪唔洗咁辛苦囉, 唉~~~~
因為我訓醒就煲麻, 咁咪要浸過夜囉, 無奶由半夜起身浸麻, keke
係呀, 還得神落喇