靖天又返健康院
suppose 8個月大係唔需要返健康院……..
因為靖天6個月時都check到個頭圍大左小小…. 咁我咪得閒就同心肝佢度下有無又偏大到囉….
早幾日見心肝都8個月大, 又係時候度一度….點知一度…. 47cm? 
無理由咁大架… 再度,… 46cm? 囉返本手冊出黎….. 97%????????? 
唔係麻~~~
因為靖天耐唔時都會跌幾交, 唔係跌到….腦積水麻?! 
雖然表徵唔多似, 但都係打去健康院叫姑娘度下好o的…..
去到健康院…. 等左9個字…. 
真係….叫曬救命~~~~
姑娘度出黎就45.5cm…. 90%條線….. 
於是又refer左我地見e生….
又係呢位路e生…… 好串好串好串….十級串……
入到去, 又度下啦…… 46.2cm…… 
(越度越細既?!) 度左兩次都係45.2cm, 即刻跌返去75%條線….. 即係同6個月時一樣….
e生好唔覺意咁問左我靖天既發展, 坐得好嗎? 好…. 識得行未? 扶住行到幾步…. 食得訓得? 係…. 結論就係, 心肝佢一切正常, 繼續觀察….. 又叫我自己o係屋企度都得… 咁我咪話o係屋企度到大先返黎…..
咁e生叫我度一次佢睇…… 點知心肝極度唔俾面, 狂喊….. 搞到我都度唔到…..
不過e生話度錯喎….. 唔係咁度喎….. 教左我一次…. okok~~~ 受教!!!! 
==========後記==========
靖天婆婆話我太緊張了…. 雖然頭大呢家野我細細個都係咁, 都預左會有遺傳, 但話曬靖天久唔久就pk一次, 都係度下心安o的….
都好, 今次個姑娘好nice, 又問我依家靖天食成點….. 已經可以轉兩餐粥喇…. (經過糊仔事件, 其實早兩日已經轉左兩餐粥….) 但係姑娘話要有”固體”o係粥度喎….
其實一早已經話要加, 點知靖天婆婆就成日話佢唔要, 食左會lur返出黎…. 唉~~~ 試一次兩次唔要就唔俾….似乎, 對靖天過份寵愛既….. 唔係我啊…..
之後心肝喊, 婆婆抱左佢出去…. 跟住姑娘又好窩心咁問我, 湊成點呀, 仲有無唔開心呀…… 原來佢睇到我之前有record (疑似產後抑鬱?!)…. 所以問我仲有無咁大壓力…. 
確實唔係求其了事啊… 姑娘仲讚修得幾好啊…… (kakakakakaka!!!) 
咁既然e生話無事, 我地又唯有繼續再觀察, 出年見喇, 姑娘!!!
(122)
唉, 哲哲個體重就快跌到去3%啦
呢個姑娘都幾細心喎！^^
我都發覺自己係好難度，成日都會唔同 cm……
尼位姑娘好有heart呢!!
係呀, 真係睇好無彩架咋;
我個99同你亞媽一樣，個仔一次唔食就唔再試。唯有自已湊時試唔同既食物。
靖天就快9個月，活動多了，無固體真係唔夠能量，快d哦靖天婆婆。
去完健康院, 佢肯喇…….
yeah….. 姑娘e生專業好多……
唔會卦…..