蒙特梭利家長班8小時基礎班 [心聲篇]
給我愛, 愛我的朋友們….
(抱歉本篇只想與一眾朋友們分享, 如果你係愛我既, 你就會有辦法搵到個pw架喇~~) 
做過資料搜集, 亦都嘗試去搵一間識Montessori既幼稚園俾靖天… 亦都好想試下俾心肝上下Montessori既pg…
其實坊間有Montessori既pg真係唔多, 出名少少既就有LM 同埋IC, 各有各好咁啦, 不過IC對我黎講就近小小, LM真係太遠喇……
打去兩間問過, 點知LM又無家長班, 得O的WORKSHOP, IC就有個8小時既家長班, 可以上左睇下咩環境先決定上唔上30小時既ADVANCED COURSE~~~
本來中大都有家長班上, 仲要平一半, 點知打去IC問, 佢又話如果小朋友要上PG, 就必需上佢地8小時既基礎班…… 即係….無得慳啦~~~ 
成千蚊, 上8個鐘, 都甘甘地….. 但又好想聽下有幾巴閉 (大獲好評架噃~~~) …… “出發”前一星期, 仲成功說服到爸B同我一齊上….好野~~~~ 
*******************************************
入到課室, 原來要坐小朋友櫈…. 巧辛苦呢…… 坐左一陣, 我已經頂唔順, 完全不顧儀態咁, 坐左O係地下…. 跟住爸B (咁爸B個籮PAT大過我架麻~~) 又跟住我一齊坐…. 然後呢, 去到中午, 已經有其他家長又齊齊坐地下…. 可想而之, O的小童櫈, 係幾咁難坐….
主講既係創辦法Daisy Lau, 相信佢係有料既, 但就十級串囉….. (終於明點解有媽咪話佢個staff 咁串, ….. 又係o個句: 乜野主人乜野X~~~~)
然後去到12點幾就話自己喉嚨痛, 叫我地食飯先….. 到下午, 佢講左個零鐘就PASS左俾佢partner 邱老師….
全個上午最經典就係不停叫我地唔好俾電視BB睇, 所以千祈唔好買XXXXX既教材… DAISY唔講出口係乜野, 大家都o係度爆笑….. 仲叫我地買左就掉左佢… 勁搞笑… 不過原來套教材o係北美好多地方都禁左呢套教材, 話教壞人喎 (真係會?!) 新加坡賣緊1600蚊一套都無人賣….. 
咁…. 香港咪食水好深?!
不過就算無呢套教材, 唔俾電視bb睇, 真係幾有難度….. (電視精媽咪, 如果無電視會點?!) 究竟跟唔跟好呢?! 
*******************************************
一開波daisy講到個course有幾吸引, 話o的家長唔會捨得走, 又話o的時間好快過, 但係好快, 我同爸b就發現, 老師o係度講~~~大~~~~話~~~~~
尤其是邱老師既講書方法…. 大佬, 你要係咁講, 不如你賣本書俾我返屋企自己睇仲好啦… 我洗乜俾成千蚊你, 坐張咁既櫈俾你折磨我一個下午呢….. 
*******************************************
呢3個月以黎, 只要見到o的”專業”人士, 我都會問一個問題: 『點解靖天6個月開始就咁痴身, 甩唔到身, 小小事就大喊大叫…』可惜, 到目前為止我都未搵到一個我滿意既答案…
今日daisy既答案仲令我….. 好灰心…… 佢語帶責罵咁話: 佢需要你囉, 你俾得太小時間佢喇, 咁佢要你, 你又唔o係度, 咪喊囉, 有無大假呀, 請幾星期大期陪下佢啦 (下刪幾百字)….老師, 你估我想俾咁小時間個女架咩, 我夠想做全職媽媽啦, 咁要搵食架麻… 真係唔洗做咩~ 
我明白Montessori主張係媽媽親自教育, 要求個媽媽係全職養育個子女, 咁家陣唔得丫麻… 好啦, 到我問佢, 咁係咪在職媽媽推行唔到Montessori時, 佢又話唔係, 盡人事….. (咁你講曬啦~~~~ 
)
連爸b都話佢好似唔想答我問題咁….. 即係係咪意味住, 我做唔到全職媽媽, 你就覺得”無得教”呢?!
*******************************************
可能初初抱有既期望實在太大…. 所以失望就越大….. 無諗過一個咁資深既導師, 會arrange一個咁….. 普通既course囉~~
上完堂, 實在有點兒唔明白, 點解咁多媽咪會讚呢個基礎班好, 仲要話, 呢個班唔夠, 要報埋30小時既進階班…. (我上左4個鐘已經想走……)
還是因為呢個只係基礎班, 收得”平”, 所以Daisy Lau咁教書?! 
作為Adult Learning, 係咪應該加多o的Case Study, 家長亙相分響, insead of 你全 day o係度講theory呢?! 還是因為我事前已經睇左好多資料, 所以佢講既野我已經知, 所以覺得悶?!
*******************************************
結尾邱老師教我地點揀幼稚園…. 又俾人插左一下…. 全香港, 佢話, 得一間係真真正正既Montessori幼稚園, 仲要o係紅磡咁遠…. 即係唔洗去啦~
然後又話有1-2間Montessori既國際學校, 但就附加話: 如果你唔睇價錢都讀得過… 即係又天文數字?!
不過兩位導師都幾主張叫我地唔好揀九塘既學校….. 更係啦, 九塘o的學校K1已經要寫字 (唔好話九塘, 我樓下O個間保記, 都係K1已經要寫字..), 但係Montessori就主張6歲後先學寫字… 咁極端既野佢地又點會讚成… 仲要九塘既學校好多都1對3x個bb, 但係Montessori主張1:8 / 1:12, 仲要混齡….. 點比呀….
不過爸b隨則已經想challenge老師: 但係九塘既學校出名名校, 亦都有好多好top既學生喎….. (我都唔知點答佢……..)
咁救世軍呢?! 到最後無等到老師得閒已經走左, 因為我相信, 救世軍唔係一間Montessori既學校, 佢只係採用Montessori既教學工具….. o的媽咪圍住個老師問abc 國際學校好無, xyz 名校好無….. 太無癮…
*******************************************
其實上完呢個基礎班, 幫到我既真係好小, 我既疑問, 難題, 老師幫唔到我 (難道要我俾多2千幾先答我?! 
)
明知係好野, 偏偏香港既教育局就唔接受呢套教學法…. 可悲既係, 連國內都不停咁推行緊呢套教學法, 但係香港, ….. 仲爭拗緊三三四, 母語教學, 田填式…既階段…
課堂中睇片, 外國O的BB, 2歲識洗碗, 3歲識倒瀉野自己開水抺地, 4歲識炒蛋, …. 真係唔到你唔服… 簡直係嘆為觀止…..
正如DR POON所講, 香港真係做唔到100% Montessori, 如果真係要, 就要送佢去外國…. 咁情況, 可能400萬都唔夠洗噃… 
咁留港讀國際學校囉…. 我都想…. 但係唔洗400萬都可能要200萬啦…. 
唯一可以做就係家教…. 但係100%家教, 即係要做C9啦, 咁唔洗200萬, 可能都要100萬 (因為要爸B養埋我…)……
唔通要教好一個小朋友, 真係要用$$$$$$黎換返黎?!
*******************************************
上完個課程, 好似仲多左唔開心….. 好多好多既frustration, 好似無人幫到自己咁… 係咪唔係住豪宅, 唔讀九塘既學校, 就注定靖天唔可以成材……?~~~ 難道讀屋村學校, 住大西北, 就要俾人看低一線……?
巧down……..巧down……..巧down……..巧down……..巧down……..
(724)
靖天媽咪,
我在上星期已經完成了 8 hrs 的 course. 可能我只看過一兩本蒙特梭利既書, 所以都覺得 ok. 但係冇咩 case study 真係唔係太好. 撞岩有家長有問題至會有 d practical d 既野出到黎… 我都 consider 緊上唔上埋果 22 hrs. (請問你知道仲有冇邊度有家長班上呢? 如果冇其他…. 我都應該會上埋了) 不過 IC 個親子班我一定會 JOIN, 當試下堂). 邱老師 announce 左 IC 會在下年三月在 kowloon tong 開 kindergarten, 但師生比例 1:2x (唔知有冇聽錯… 我 “希望” 係聽錯啦… 但佢真係好似話係 2x…) 佢 sell 果度夠大 & 有大花園… 但係佢咁新… 我又擔心IC 辦 kinder 的 experience 不夠… 未知IC 會開 kindergarten 之前我一心報 best concept (>2 yrs old class)的… 現在好忐忑,,,
請問”真真正正既Montessori幼稚園, 仲要o係紅磡咁遠” – 果間係邊間呀? (我會 choose kowloon side 的學校)
我未追晒你 d post. 但我發覺真係學到好多野. 你真係好叻. thank you~~
無喇, 佢地之所以成功, 因為佢地搞”家長班”囉… 獨市架, 哈哈!!
多22小時, 會深入少少, 加埋其他心理學家既原素, 唔係pure montessori only!!!
1:2x? 一定係幻覺……….. 呢個師生比例都唔make sense既, 係咪先?!
其實, 間間九塘既幼稚園, 都又大又有花園架啦, 咁貴….. xddxdxdxd
BC唔係幼稚園黎啊, 所以你要好好想一想!!!
紅磡個間o係紅磡海逸入面咋麻, ok遠架,!!!
最後, 多謝你既讚賞, 但實在不是叻, 只是….. 無無聊聊胡亂寫一番吧!
靖天媽咪:
多謝妳既意見, 我唸我都係睇多些有關蒙特梭利既書, 了解吓佢地既概念才行動,以免希望越大, 失望越大, 請問可唔可以介紹一些可以多了解蒙特梭利既書書比我呢? thx a lot
我就是失望的一群了, 哈哈
不客氣, 希望可以多多交流啊
你可以參考我的”分享資料 / 蒙特梭利”, 有些書本我睇左都幾好架!!!
靖天媽咪:
你個網有好多育兒資訊。其實，我同katie媽咪一樣都未睇過蒙特梭利既圖書，但係就聽過個大名。既竟Montessori既教學, 係咪真係好難做到?
全職媽媽上
你好, 很高興認識你;
其實蒙特梭利教學, 不是難做到, 而是決心很大….
而且更香港的教育有點兒… “出入”…
要真心的做到, 是難, 難在心理上
(個人感覺, 不喜勿罵)
靖天媽媽 :
真的很佩服你這麼用心寫Blog,從字裡行間看到雖然你並非全職媽媽,但你對女兒的愛,可能更勝很多只會照顧孩子起居飲食的全職媽媽.我的Nu仔也接受蒙特梳利教育一年多,現在兩歲五個月,我並沒有上家長課(我覺得那些都是商人抓住家長緊張自己孩子的招徠),我只是看書和在家中設立他的小王國,順著他的興趣而引導,讓他告訴我他想知甚麼學甚麼,身教也言教,現在我看到點成果,他比同齡小朋友容易明理,情緒穩定,通常都是愉快的,充滿好奇心,喜愛閱讀及學習,也喜愛上課(play group at LM),我充心希望你的小靖天也能在蒙特梳利教育下成為一個”完全”的可人兒.加油!
Nunu 媽媽
謝謝Nunu媽媽的鼓勵啊!
回想… 還沒有看到靖天在蒙特梭利教學上得到什麼成果… 有時我還盤算: 用flash card會否更好一點?! 希望, 我此番努力, 能夠有點點兒的成果….
你的觀點十分同意…. 奈何我也想從專家中得到更多…
其實我要向你好好學習了.. 希望你能有空常來, 指點指點….
hihi, 靖天媽咪, 妳好,
我近排開始睇妳既BLOG, 知己知彼ma, 發現妳經常提到 Montessori, 所以上網搵吓資料, 見到有個
兒童無限蒙特梭利家長班(8 hrs), 正考慮緊參唔參加,妳以上提到既係唔係這個course? 真係唔掂嗎?
妳知啦, 如果上那個course=減少陪bb既時間, 如果上咗無用就無謂浪費時間, 請比少少意見我好嗎?
****妳係唔係都係住TM呢? 如果第日響街見到妳, 我可能會叫妳, 妳唔駛驚呀
KATIE媽咪
你好你好!!!
你都係住TM? wao! 咁第日見到要相認下啊!!! :)
其實上course = 小左時間陪bb, 就要視乎你的bb多大了…. 呢個course只係8小時, 一來一回計足你10個小時, 但學到既係終身受用, 都值得啊…..
如果小b開始大了, 更加應該有回一些自己的私人時間, 無時無刻對住, 你也該感到攰麻, 就當係一個機會給自己休息休息吧….
(作為一位在職媽媽 我們也少了很多跟bb相處時間麻!)
至於佢既8小時值唔值得上……
如果你之前已經看過大量蒙特梭利既圖書, 那就…..
又如何你上上佢地既親子pg, 8小時家長班是必需的….
好多上畢8小時的家長都激讚的, 只係我的期望, 跟課程內容有點兒出入, 所以才會如此失望….
靖天媽咪:
其實我未睇過有關蒙特梭利既圖書, 只係想了解究竟是什麼回事, 如果真係有用既當然值得參加, 但係佢地既教法是否適用於全職媽咪呢?
thx a lot
教法是否適合實在不能一概而論;
但蒙特梭利本身係好主張個媽咪係全職mama. 所以呢……
Where do u leave? 自然學校係好Montessori, 係一間小學.
For me, there is one main problem in their parents class, they never share how did she/he practice Montessori at home with their child.
For example, as I am a full day mom, how can I take my son without a stroller and go to market and buy food?
Actually, Montessori herself serve 3 yr or old child, and her method was only run in a school, not at home. e.g. In a school, the child no need to go to market with the teacher. In a school, there’s more children, and at home my son only has me. In a scientific view, her theory was obseved from a school not a home. So there should have conflict when using montessori at home.
即係….點….???有心思係冇用0既,問題係我冇錢俾佢花呢….
機會大d又有咩用,我都用唔著啦……….
又唔係咁講, 花小小心思就有機會, 何樂而不為
其實你已經係我0地幾個之中最多時間對住佢, 如果你都叫唔夠,我0地咪仲慘,你份工都叫free又可以home working,全職媽媽一定教得好?咩道理呀?我反而覺得全職媽媽會寵得好機會比較大喎!我都唔係住九龍塘都冇錢俾佢讀國際學校,但係俾佢讀就等於佢一定得咩??我又唔多覺囉,不過香港0既填鴨式又實在太恐怖0既,我明,但冇辦法呀,我都冇錢”栽培”佢,或者要d曬命有錢人先可以,不過將來, 又睇下大家個仔/女點囉,我就死唔信唔搬去九龍塘,唔讀國際學校就要做”爛”仔/女囉,都唔見得佢地特別高尚囉
嘩, 你住island, 已經好過我屯門人好多架喇……
入名校機會都大o的啦……….
同感 ~~
無奈 ~~
唉唉 ~~
唔會唔會唔會呀, 我地用心教我地的小b, 佢地都可以成材呀
相信你都明白我既心情……..
但又好擔心, 自己教既方法係錯………
拿, 你賣左個miumiu, 賣埋個gucci, 咁咪夠錢囉, …..kakakakakaka
Dear Grace
你對mont好有研究啊…….
你咁講, 又好似係係地…. 咁應該點解決”在家運用mont”?
自然學校我有聽過, 但全香港好似得一間…. o係屯門?! (我咪住屯門囉…)