靖天食藥的第3天….

精神尚算不錯啊~~~

因為星期五, 又好擔心靖天, 決定請假一天, 陪住佢……

朝早第一餐, 都係3安就唔要…..

食咁少, 於是把心一橫灌左藥水過佢…. 跟住由佢訓~~~

到11點幾好辛苦餵左佢6安… 玩左陣, 又訓…

訓醒都點半, 夠鐘餵藥…. 可能我太心急, 搞到心肝飲水時瀆親, 嘔左少少奶出黎… 嚇c我…  張床單新買新換架, 就咁俾靖天”燒焦”左….

見琴日靖天婆婆落豉油心肝肯食粥, 我又想試下….

當然我係唔會落豉油.… 但就加左幾粒蜜棗落去, 吊一吊味~~~ 再煲稀少少…. 諗住心肝食兩啖唔要都係死死氣走去開奶, 點知佢食完竟然張口問我再要….  於是連口水肩都唔去攞, 就咁o係廚房餵佢食左成碗粥…… 免得一來一回佢蝕左道氣唔要…  

見佢食左成碗白粥, 真係好鬼開心…….  靖天都厭食左幾個星期, 唔落調味, 少少蜜棗 (係一個bk 媽咪教我….其實都唔知得唔得… 佢腸胃緊…. ) 就可以令佢食左一碗粥…. 真係開心都爆炸!!!

之後就同佢沖涼 (食到成身都係) 過去市中心打個圈, 再上靖天嫲嫲度食飯….

夜晚照俾粥佢, 不過麻麻咯… 食左大半碗就唔要…. 都係唔好迫佢, 唔係嚇親佢又厭過就弊…. (依家o的小朋友真係好矜貴~~~)

食左兩餐粥, 夜晚諗住佢又會玩野唔食奶啦…. 點知未夠鐘訓著左竟然喊醒仲要喊到勁淒涼… 拿拿聲開奶過佢….. 都諗住心肝玩野啜兩啖過下口癮就停口…..

點知又一口氣食曬7安……

心肝飄忽既飲食行為, 實在令我五體投地……

結果? 11點心肝已經食飽訓著, 我同爸b就享受左一個好寧願既晚上…..

不過今日心肝無便便喎…… 唔係痾完又走黎便秘麻…..  

靖天, 希望真係因為e生既藥令你好返, 而唔係淨係氹下我開心咁少…..

(109)

Comments

comments