已經好返幾日的靖天, 星期二開始又出現輕微肚瀉…有時痾水, 有時便便好稀…. 本來都想由佢, 點知前日開始日痾3次… 恐防心肝有事, 都係帶佢睇e生好o的…

今次唔出荃灣 (因為媽咪都病左…. 無力帶心肝出九龍啊!!!) … 知道屯門有一位好出名既兒科e生…佢叫陳永明e生… 成日經過都見佢”排曬長籠”….. 一直唔想睇佢因為…. 佢係無得掛號的~~~ 要自己去排隊…  抱住心肝o係診所等, 實在係千萬個唔願意…. 好怕無病都變病…

樓下既鄧e生唔係唔好, 不過少少事就開4-5枝藥水, 再唔係就落抗生素… 我地咁大年紀就無所謂, (正所謂, 早c早著….) 但心肝咁細個, 非必要都唔想佢”亂食藥”… 素聞呢位陳e生用藥同埋睇診都好, 所以決心一試….

中午打落診所要排12個…..  所以決定落去先登記, 再請婆婆差不多時候帶心肝落黎..

等左幾個字, 到靖天了….. e生話心肝肚仔不停o係度”叫”…  問我囡囡有無亂食野…. 有….. 佢前日自己偷食薯片…. 十個月大識得偷食? 真係講出黎都無人信… 不過係事實…  

都係怪自己太低估心肝既能力…. 咁細個, 邊諗到佢會自己開蓋…..

一枝止痾藥水 + 一枝腸胃藥, 承惠190個大洋…..  

##################################

靖天病, 我做媽咪當然陪住佢…… 一齊病~~~

前一晚食過晚飯後開始見唔舒服…. 返到屋企就開始嘔…. 一個鐘一次… 一路嘔到天光, 都咪話唔辛苦…  

到天光, 都嘔到八八九九, 跟住就開始痾…..

本來打算可以陪下靖天, 點知….. 都係頂唔順要”的”走佢, 跟住去睇e生, ….

都係o個句, 腸胃炎啦….

180個大洋.. 俾左6包藥我… 2包鼻敏感 + 4包腸胃孳…我抵過您啊, 靖天~~~  

食左碗粥, 食埋藥, 一訓就去到五點幾….

起身一陣做公司野, 7點幾爸b返到黎, 又想作嘔…. o個一刻真係懷疑自己係咪又有左….  好耐無試過嘔成咁….

食左止嘔藥, 成身散曬…. 好想知點解止嘔藥會令人眼訓….

晚上9點幾起身, 問過心肝, 再痾一次, 個人無乜野, 都安心少少….

似乎我病過佢….

食完爸b整既通粉, 考慮左成晚, 都係決定唔要靖天…一晚咁多~~~~

心肝對我既痴纏程度, 足以令我死多幾錢重….

聽日就係星期五, 為左未來3日要全心陪住佢, 都係犠牲我地一晚既相處時間….

靖天, 媽咪… 好掛住您, 我愛您~~~~ 您多點休息, 陣間接返您…. 好嗎?!

##################################

嘔左成晚, 有2件好窩心既事, 好想寫低俾心肝知道…..

事件一

如常朝早起身暖奶, 嘔到得返半條命既我, 見到心肝食左3安唔食, 仲要係咁喊, 已經覺得好唔尋常, 但實在無力再同佢鬥纏落去, 所以就係抱佢返自己個豬欄到訓覺….

點知心肝唔訓不特知, 仲要係咁喊… 咁咪抱返佢埋黎一齊訓囉…. 都仲係唔收聲喎, 到我抱起佢, 佢先肯合埋眼…..

女呀, 您媽咪我病到無曬力喇, 成晚都無點訓, 真係抱您唔起… 但一放低, 又喊… 完全唔知佢今日做咩事… 咁唔抱, 唯有攬住您囉…. 您又唔扭喎… 仲訓埋…

呢個時候爸b問我有無事, 我咪同個肚仲好痛好唔舒服..

點知心肝好似知咁, 一聽到就係咁喊…. 到我攬實佢同佢講無事, 媽咪無事, 呃您咋…. 佢又收聲唔喊…..

當然全部都係我”幻想”出黎心肝好似明我咁….點知…

事件二

訓到9點幾心肝起左身, 我都仲係好唔舒服, 打左俾靖天婆婆叫佢黎捉走心肝我要去睇e生, 兩母女就o係度到hea下…

望住靖天, 忍唔住同佢講: 媽咪個肚好痛, 好唔舒服…. 心肝您乖, 唔好周圍爬…

心肝望一望我… 然後依依呀呀左幾聲…. 跟住用手摸左我個肚幾下….. (但好明顯心肝係未識”用力”, 佢o個幾日似”打”我多o的囉….) 之後就成個人伏左o係我身邊唔出聲….

真係好窩心, 好甜…..

靖天, 您….. 真係明我講乜野?! 您…真係知道媽咪唔舒服?

其實BB, 係咪真係識性, 真係明白我地大人講乜野?!

至少, 我認為, 心肝佢真係明白…..

靖天, 我愛您….

媽咪幫您病埋, 您要身體健康啊, 好嗎?