靖天持續生病記 – 第1天
正所謂, 病開有條路…. 好返腸胃炎, 又黎小支氣管炎……
朝早食過奶後, 靖天就咳左幾聲, 仲聽到好似有痰咁….
到起身就係咁流鼻水….. 估佢又唔知係咪冷親啦~~~
於是中午就帶左佢落去睇e生…. 點知e生聽左陣, 就話心肝條氣管好窄…. 仲問: 你好似有氣管敏感?!
我話無, 不過…… 老公有呢~~~~
跟住佢話靖天係小支氣管炎…. (下? 佢咳左幾聲咋喎, 咁大件事?!) 
不過e生話太初期, 同埋靖天太細個, 斷定唔到佢係遺傳定真係天氣變先咁…
天啊……. 搞什麼… 一係唔病, 一病就鑊鑊新鮮鑊鑊甘………
依家靖天訓左喇….. 點知一個鐘已經咳醒左5次……
俾水佢飲又唔要…..
明明好攰但又咳到訓唔到…..
好心痛……. 真係好心痛…….
不如, 俾我咳啦….. 唔好搞我個女好嗎…… 
(107)
氣管敏感唔可以輕視呀 !!
我會遺傳左俾 chester … 睇多兩日再係咁 .. 去睇一睇專科, 個心會定 d 麻
希望靖天快D好番啦﹗
有無藥食？
有呀, 食左好好多喇
見住佢無咁多鼻水囉….
佢再咳, 我就的佢睇專科了