靖天持續生病記 – 第2天
食過氣管藥的第2天…
琴晚咳到係咁醒都訓唔到, 不過無乜”求生本能”既靖天, 遇到呢o的問題當然唔會發脾氣… 咳都嘔曬咁…. 拍兩下佢又訓返……
都唔知係乖, 定叫蠢?! 
第2朝起身已經7點半….. 好似咁多個月都未試過一覺訓到7點半先起身… 呢排成日夜訓, 搞到越黎越攰… 
終於”唔知醒”餵奶…..
今朝起身, 已經無乜聽到佢咳, 鼻水都收左好多…..
仲有o的便便…. 終於變返固體, 不過就….. 真係好臭~~~ 
係因為食左藥, 還是因為腸胃仲未好得返曬?!
今日食藥, 靖天已經無喊得好勁… 因為…..佢有餅食~~~ 
好過俾”甜甜”佢飲呢….
但係真係好忙, 4個鐘一次藥, 又4個鐘一次奶…. 結果…
7點半食奶
10點食藥
11點半食奶
2點食藥
3點半食奶
6點食藥
7點食粥
9點幾靖天訓左以為就咁可以唔食藥咩?
11點我將o的藥倒左落枝奶度搏一搏…. 結果埋單食左7安半… 
全日就食奶食藥, 食奶食藥… 所以邊到都唔想去… 
就咁hea左一日…… 
聽日, 靖天好返未架?! 
(110)
真係辛苦哂做媽媽o架囉！
如果靖天可以好番.. 幾忙都願意呢 !!
同意!!!!!!!!
嗯, 大家咁話~