係咪都市人您做唔慣, 想做返個原人?!

早一排, 不停o係度思考, 靖天呢個幾月既表現…

眼見身邊好多同齡既bb已經”學有所成”, 望望靖天? 好似仲衰左…

已經十個半月大, 發覺心肝越大, 就變得:

1. 好野蠻, 唔鍾意就喊, 扭計, 唔理佢, 佢就喊到你理…. 最長試過半個鐘唔理佢 (因為佢扭計唔聽話) 佢就喊足30分鐘…. 喊到你抱起佢為止

2.  因為婆婆抱住餵粥, 依家佢唔抱住, 就唔食;

3.  因為婆婆唔洗佢攞奶樽, 依家俾奶樽佢淨係張開口對手死都唔郁….

4.  因為婆婆平時都係抱住”愛”佢訓, 依家佢就唔抱佢唔訓, 最壞既係連夜晚訓覺都要”抱”住訓…. 早幾日試過要佢自己訓, 佢發脾氣, 結果喊左20分鐘先收聲自己訓…..

5.  越黎越聽我講, 唔鍾意既就走去婆婆度 (如在婆婆家), 我叫”抱抱”佢都唔睬我…

6.  成日借O的意打人, 抓人, 已經整損左爸爸同埋打腫左婆婆, 都唔知有心定無意~

其實都唔係想心肝佢做個超級乖BB, 但都唔好咁….. 辛苦同佢建立既小習慣, 一一被婆婆破壞曬….

呢2個星期簡直係成個野人咁….

o係度諗: 對心肝tough o的, 但係婆婆又寵佢喎, 咁會唔會令佢越黎越唔想跟我?! 

兩個唔同教法, 靖天又會唔會有confusion?

*******************

上星期開始, 終於立心同婆婆同埋公公講, 要佢地惡o的對靖天, 唔可以再事事縱容, 結果?

因為心肝換片曳, 俾婆婆打左幾下….. (老公人, 興體罰喎!!!!)

婆婆話: 心肝當堂呆左….. (梗係無諗過婆婆都會打人啦~~~) 然後好淒涼咁喊….

當然婆婆唔會同佢講返係佢曳先咁…. 換好片, 咪又”愛”返佢囉….

最搞笑係, 傻姨想做好人抱返靖天, 點知心肝以為傻姨有份打佢, 嬲左傻姨…  仲攬到婆婆實一實……

女, 究竟您知唔知邊個先係好人?!

*******************

某日去飲茶, 我教靖天有o的野唔好做, 公公竟然問我…. 乜您個女識聽咩…..

天啊……..

*******************

爸b話, 我已經鑽左牛角尖…. 我估我都係…..但走唔返出黎…..

咁點算?!

(69)

Comments

comments