靖天, 是來討債的~
經過11個月黎靖天婆婆不停咁講返我細個既狀況, 我就越黎越明白, 咩叫報應.. 
初出世既心肝, 真係我既命根, 又係我既天使……開始掌握到佢既習慣後, 更覺易湊, 幾時都話佢真係好錫我…..
點知佢越大, 本性就越表露出黎……
如果呢個世界上無食物, bb唔洗食野, 我相信, 心肝仍然係我最美麗的天使~~~然而, 踏入第11個月….我就開始知道, 咩叫報應…..
腸胃炎已經好返差不多一個月, 可樂雪糕已經byebye左好耐…. 偶爾食下餅乾既靖天, 絕對唔係因為佢食零食, 而唔食正餐…..
呢幾日, 佢既飲食時間表:
0630 – 6安
1030 – 2安
1430 – 粥2啖
1830 – 安半
2230 – 2安/3安
即係全日4奶1粥, 加埋15安都無……. 粥就更加少得可憐… 任由我點落調味, 都唔要….
最奇怪既係, 佢唔會好似以前咁轉身走人, 或者喊住唔肯食, 而係想個咀含住o係口度, 玩下玩下, 得閒先啜2啖, 然後又”續親1啖”, 食2安奶, 需要半小時….
婆婆餵就好少少, 埋單都有20安……
靖天睇樣一定唔係病…. 唯有又問下婆婆細個自己係咪咁….. 答案係: 『佢乖你好多…』
嗄………………… 
事關兒時我唔食, 係會推落地, 又或者食左唔鍾意, 會全部嘔返曬出黎…
再問呢o的係咪叫報應?!
婆婆竟然又話: 『報得太遲…』
呢幾日湊心肝已經湊到我心情好差, 無時無刻都想喊, 見佢唔肯食野, 就好嬲想打人….婆婆叫我放輕鬆一點…. 但真係做唔出…. 眼見身邊既BB們個個都大大隻, 望望自己女兒, 大脾瘦到……. 搞碎都唔知有無4兩肉, 就好無奈, 好心痛……..
睇返佢6,7個月時既相同video, 就更加想喊….. 盡管心肝以前係細碼b, 都會有o的肉仔, 依家….. 真係好擔心佢好快變人乾……
婆婆話…靖天既發展已經十分理想, 未夠1歲已經識行 (大把bb係咁啦), 又成日古靈精怪 (人地o個o的識abc仲醒呀~), 重要既係, 人地o個o的會食奶食粥架!!!!! 
靖天確實係一個Difficult Project, ~~~~單單o係飲食生活, 已經令我頭痛不已…..
坊間既方法都試勻….. 就算6個鐘, 7個鐘唔俾佢食野, 以為佢會餓呢…. 都係1安2安咁敷洐你…..
難道, 呢o的真係叫報應?!
(96)
靖天唔肯食……你又辛苦……一過我都係無話可說，希望情況可以快 d 改善啦！繼續加油啊！
唔好拎靖天同人比啦! ^^
多謝你呀, 米媽……….
真係頭都痛埋…..
我覺得靖天真係真係好醒目架,
又咁叻咁快識行,
我真係好羨慕架,
可能呢排係厭奶期,
遲D應該會好返架啦,
唔好咁唔開心啦~
我都好明白你心情
前排米b厭奶,真係幾沮喪
唯有安慰自己話: 會過去的
真架
家陣米b食奶都ok
加油啦~
我的仔厭食情況同你描述的差不多,唉..都唔知點攪好,無奈!
多謝你呀, pinky………
係既係既
不停努力中, 多謝鼓勵;