媽咪放血記
由年尾到今年, 好似不停咁流緊血….. 好驚… 
上兩個星期, 收到通知葵涌又有開倉, 所以揀左個weekend上去望下, 上年買衫時心肝得幾個月, 都買左好多, 平麻… 
因為星期六爸b要加班, 為免帶左靖天出去影響我”進度”, 所以放低左佢, 自己一個拿拿聲買曬佢!!!! 
以為好多人, 點知… 真係奇怪, 可能地點實在太偏僻麻?!
用左唔洗一個鐘, 就掃左兩大袋衫仔返屋企…. 埋單…. kakakakakaka!! 衰野都係唔好提! 
淨係普通衫仔都買左十幾件… 
8蚊, 10蚊… 平麻… 用黎做底衫仔一流!!
仲買左好多褲仔, 同埋幾條裙仔啦…又買左幾件大褸, 38蚊件.. 唔o岩著都唔肉赤!!
最開心係買左… 紅噹噹既家庭裝睡衣!!!! 可以過年著咯!!!!
今次好有心機咁剪曬o的價錢牌…
呢頭掉, o個頭靖天就攞黎玩….
仲要搞到一地都係…..
(145)
佢哋真係好鍾意睇價錢牌，又搣又食，真係好嘢，咁都玩得一餐……
我都係看你個BLOG先認識淘寶, 現在已經係淘寶的常客, 好似中咁啦~~~
哈哈, 恭喜你又中左毒…….
10蚊8蚊真係好抵呀!!
嘩嘩嘩……你真係買左好多啵……你真係好叻, 成日都執到平靚正嘅嘢, 不過葵涌我就真係唔方便去到嗰度, 好似上似我都問過你啲衫仔喺深水埗邊度買咁……我永遠都唔識搵呢啲旬嘢, 門路, 收唔到風, 唔可以搵到呢啲著數嘢SO吓嘅, 真係好鬼屎……一聽到你話十蚊八蚊我都好想走去執番一堆嘢返嚟俾莙庭著吓, 有乜所謂啫, 唔鍾意當低衫著都抵嘛……
如果下次再有呢啲嘢, 而你又記得嘅話, 可唔可以通知我一聲呀?! 時間就到的話, 我都想去執吓!!!
果然掃得好勁喎~~
女人買嘢…永遠都係咁狠….
嘩 .. 平到 !!!
怪唔得買咁多啦 !!!
慳家媽咪 .. 正呀 !!
下次有料 .. 記住通知我呀 !! 哈哈
有呀有呀, 下次我有開倉資料又話你知丫;
其實一o的都唔慳家呢, 買咁多~
靖天媽媽:
有嘢想請教你~
我想問係淘寶用Visa買嘢, 洗唔洗比手續費?
淘寶上嘅價錢係咪人民幣?
你好你好;
淘寶通常都用VISA, 但信用咭中心就要收埋手續費, 間間唔同囉, 同埋只係收人仔架, 你預對返港紙約1.17度啦 (連埋手續費)
係呀, 唔o岩唔會用赤麻
哈哈, 慳得一蚊得一蚊……. 然後一泡過又洗返佢. 咁先過癮~~~~
我有我有呀, 我之前有放開倉既資料出黎架, 同大家分享麻~
下次再有, 我又post出黎丫…..
哈哈, 買埋呢轉可以到夏天了
係囉, 傻傻地