12年來的第一次
同老公一齊已經踏入第12個年頭… 咁多年, 我地竟然係一次維園年宵都未去過… 
年年話去, 年年總會搵到o的原因去唔成…… 
今年心肝都一歲, 加上新年前夕係星期六日, 自然容易騰到時間去走一趟….
去年宵+靖天 = 唔係一件易事…..
至少心情要極度興奮或者平靜, 如果唔係只會黑口黑面咁返屋企… 
結果, 我同老公排除萬難, o係年廿九既下午, 踏出我地既第一次……. 好鬼土耶!!! 
因為老公要返工, 所以又要我單拖同靖天出黎…. 十零度又想著靚o的 + 俾我包到實既靖天 + 心肝全日食糧 (夜晚要去團年啊!) + 揹住佢 = 好重o的衫厚到個袋揹唔到上膊….
第一次帶心肝坐巴士…. 因為心肝既”懂性”, 一上巴士已經訓左….所以都坐得尚算舒服…..
出到去同老公會合, 我地就出發去維園喇…..
下午約一時半, 預料八級多人既維園, 人流又可以接受啊…. 只係間唔中”塞下車”….
入場喇…… 因為未開飯, 買左底”真”既雞蛋仔食….
~~~咱們仨的合照~~~
o係維園撞到橋橋一家啊……
維園已經變左”牛欄”………..
仲有鮑魚賣………
時間越耐, 就越黎越多人…….
好想買”雞蛋仔”, 可惜太貴了….. 最平都要60個大洋…. 咁我買6底食左落肚無咁嬲啦~
傳說中既雞蛋仔….. 
+ 牛盒形狀既水樽…..
好想買多隻超級牛公仔, 可惜都要近百個大洋, 都係唔好喇…….
之後仲上左爸b公司hea……….. xdxdxdxdxdxdxd 等夠鐘先上靖天太婆度食團年飯~
難得去維園, 點都要買返少少手信…….
iphone…….浮板
呢個就抵咯…. 
鴨仔浴帽
30蚊, 送埋個鴨仔公仔… 本來老公唔肯買, 點知靖天見到,
就不停”ApAp, ApAp…”咁叫, 氹到爸b唔買唔得~~~ 
揮春兩大個
佢聲稱話”自家製”, 平平地, 買黎做裝飾都好…
好彩早黎行咋, 到我地行完近3點幾已經開始有警容先生維持秩序, 好多人開始”入場”…. 出年我地又知道咩時候行會好o的咯…..
(112)
唉 .. 一家人行年宵 … 對聰媽一家來說 ; 真係唔再可能啦 !!!
聰爸新年永永遠遠都要返工 , 仲要開好早收勁夜 … 想早點行又唔得 ; 想晚點行又唔得 .. 真係吹脹
睇到你地一家行年宵 . 真係好溫馨呀
好中意個揮春呀!!!
如果真係就爽咯, 哈哈
禽日上黎拜會吳宅, 見到你門口對揮春….已經覺得好正!!
嘻, 中埋仲正呀, 呵呵
揀前前後後行囉, 一樣得…..
或者有一日, 聰爸轉行了, 就如意以償呢… 嘻!