靖天每周新招 [一周歲]
遲左咁多, 要寫返先….
12個月第1個星期:
人生第一個旅行 — 泰國 (其實未足1歲架) 識唱歌仔 識跳舞 (扭扭腰的) 識飛吻 到健康院攞成績表, 1周歲重8.48KG 長出人生第二顆牙仔
12個月第2個星期:
識將相機打橫打直咁放好 有意識地玩買左差不多2年既bb扭蛋機 第一次去澳門 初試猴棗散, 因為已經久咳了一個多月, 六次藥後已斷尾 出席人生第一個朋友仔既生日會 (橋橋妹妹) 見到麵包會講”包包”, 會扮聽電話, 識叫”婆婆” 發脾氣時, 會講”仆街” 
初試白烚蟹柳, 一口氣食左兩條 長出人生第三牙仔 第一次學習同”大人”一起晚飯, 我地食乜佢食乜 (19/1)
12個月第3個星期:
終於識得『俾』, 即係Give & Take, 終於都明白同埋做到 學識執玩具, 但係要同佢一齊做, 要叫佢放入箱, 佢先識; 不過通常放一件會攞返3件出黎…. 自動自覺收執 – 年三十那個晚上, 佢將叔公櫃入面既vcd攞曬出黎, 點知隔左陣佢續隻放返入櫃…. 見到o個刻好感動… 有一晚見到爸b放工回家會係咁叫”爸爸”, “爸爸”, tum到爸b飛起; 終於識得叫’婆婆”…. 甜死咯…. 購買佢人生第一對硬底波鞋 (DR KONG)
12月第4個星期:
識得講”BYEBYE”, 不過要有緣人先聽到; 俾野佢識得講”謝謝”, 但都係要佢鍾意既人先會講; 見到哥哥姐姐識得嗌”哥哥”, “姐姐”, 不過要係靚仔靚女佢先會嗌 經過幾日拜年觀察, 發現心肝對陌生人仍然好有保留, 只會接受”自己人”俾野佢, 就算係佢最鍾意既糖或者汽水, 都唔會要 識得真正既”飛吻”, 係叫佢飛, 佢真係會飛個吻出去; 返到屋企樓下見到看更伯伯會揮揮手, tum到伯伯更開心
(258)
進隻好好喎 !! 又識 Tidy up 又識禮貌 又識叫人 .. 不過 .. 發脾氣會講 “仆街” 就 … ….. ….. 咁得意 ???
好叻女丫…好多野anson都未識…
發脾氣時, 會講”仆街”? 真架? 咁搞笑? 話時話anson都有類似發音!
咦….咁靖天嗰日肯收我包曲奇….真係算好俾面o刺!!
係為食既行為黎架, Auntie Bo, 第日你識do啦, xd
短短一星期靖天有好多小進步, 叻叻, 靖天咁醒, 識得分外人熟人, 唔洗怕比人用野食哄走靖天啦
嗯嗯, 見到呢o的細微野, 覺得佢大個左好多呀~
基本上係話唔駛咁急比海鮮，尤其係有 shell o既，不過你得閒自己搵吓料，我可能都係睇 d 唔睇 d，你都係信自己搵o既料好 d！
我懶過你啦, 好明顯;
既然係咁, 我會考慮俾靖天少吃多滋味架喇, 謝謝你呀
bb 好似係3 歲前都唔好食海鮮 (魚除外)，所以可能要小心 d 喎！
我都等緊幾時可以出街我地食咩哲哲食咩….又其實依家我地食咩都每樣比佢食, 早兩日佢食左蝦同翅同埋炸子雞, yummy~
發脾氣時, 會講”仆街”
“EE…SINA食左我d字呀…!!??”
下…真架…滴汗中….
唔怕唔怕, 我估好快有人同你一樣比人咁話.
因為我自己都”pk”不離口…呵呵呵…
pk無罪, pk有理…yeah!!
哈哈, 竟然有o的咁既事~~~
嘩, 咁好味……….
嗯嗯….. 是真的 ~.~
係呀…. 結果我俾全家族人話我囉…..
係架咩??????? c喇我無留意呀
你唔好咁講啊
靖天一o的都唔叻, 反而我覺得anson b 超叻仔, 好想介紹俾靖天識等佢學下哥哥有幾勁就真!!!
係呀, 依家無講喇, 我地同佢”戒”左….
呢o的咪叫好學唔學囉….
我地幫佢戒左架喇… :(