『音樂篇』*** Home Playgroup ***
呢一日下午, 我幫靖天安排左個自製Playgroup….. 
(原來o係另一部相機錄左好多片…. 所以update返….)
其實只係播住兒歌, 同心肝跳跳舞, 打打拍子, 玩玩樂器….
呢隻VCD係靖天bb仔時已經買左, 久唔久都會俾佢聽… 聽到依家碟都花曬, 成日跳線… 不過還好, 心肝大個左, 對兒歌記憶又多左…. 還好, 心肝唔鍾意睇故事書, 都仲鍾意聽下兒歌… 
知道靖天鍾意將o的”樽裝”既野搖搖下, 所以就用舊既奶樽同埋益力多樽自製左o的小樂器俾靖天, 一路聽歌一路教佢打拍子…好似上緊Baby Buddies咁啊….. 
呢o的兒歌都係o的古老歌仔, 聽多幾次已經上到口… 唔知心肝幾時又可以好似我地咁, 跟住o的字一齊唱歌仔呢?! 期待….期待….. 
越黎越有beat的靖天….. 
靖天唔識英文, 但係望到個SCREENSHOW竟然認得呢隻”鴨仔歌”, 會
“Quard Quard”咁叫….
靖天最鍾意既”生日歌”, 聽到勁興奮!
越聽越興奮, 仲係咁o係度un……
記:
– 還記得買呢隻vcd時, 正值係阿嬌發生艷照事件…. 亦都因為咁, 好多媽咪都好抗拒再俾bb 睇twins或者聽twins既歌… 只係…. 出呢套碟係1994-1998年間, o個陣o係roadshow一聽就已經好鍾意, 所以生左靖天就左搵右搵…
– 從來無諗過聽twins既兒歌會教壞自己小朋友, 事件已經過左, 作為媽咪既亦都唔會一邊聽twins, 一邊同靖天講: 拿, 呢個姐姐影過咸濕相架, 第日你唔好做呀…. 事實上, 得1歲人仔, 佢又點會理解; o係佢世界, 佢只會知道, 呢個姐姐唱既兒歌好得意好好聽….
– 又有人話twins既英文咬字唔準, 唔想教壞自己個b, 聽左咁多次, 實在未感覺到twins既英文有幾唔準 (平時佢地做訪問例外)….又或者, 因為我同爸b既英文都太水皮吧?! 
– 比美語世界既兒歌更吸引靖天, 靖天只鍾情於chapter 1, 打後的都看不上眼.. (梗係, 咁鬼悶….. 
) 好彩套碟唔洗$$…. 唔係就叫慘~~~
(162)
哦, 明白明白;
哈哈, 我之前教小朋友, 都好鍾意用 Twin o個隻 CD, D 歌真係好好聽, 小朋友又勁鍾意
真架? 唔怕學壞麼?
我都買左兩隻俾jason聽嫁….佢都勁鍾意,但出面好多都係vcd,你知唔知邊到有dvd呢?
估唔到 Twins 比起 米奇仲更加吸引到靖天喎 @@
不過 .. 聰兒都話唔 like 米奇佢地 . 只 like Elmo 喎
係呀, 我用蠟筆.
我係播 CD d 歌o者, 唔係 VCD,
聽住歌玩遊戲, 小朋友最開心啊~
完完全全讚同你既講法, 我都覺得有部份媽咪真係好多餘, 人地阿嬌影咸濕相, 咁又點? D媽咪係咪會一路SHOW俾個小朋友睇隻VCD, 一路開埋阿嬌D裸照俾佢睇? 就算阿嬌影左D裸照又點? 係咪就代表佢壞? 代表佢唔檢點? 一男一女情到濃時發生關係就代表佢係壞? 代表佢傷風敗類?
我相信睇TWINS VCD, 係一定唔會令大家既小朋友變成鐘意影裸照, 要係你既小朋友真係變成咁, 第一個要問罪既人, 一定係各位父母對你地小朋友看性教育既態度出現問題.
好有心思呀你!
我都同anson玩過一次home playgroup, 果次我玩埋畫畫~~~嘻嘻~~~
爸b, 你巧惡耶………
因為實在太…….得閒喇…. 哈哈;
我都想同靖天畫畫, 但用咩顏料呀? 蠟筆?
VOL 1 & 2得vcd架咋
3同4先有dvd架
係咪因為米奇耳仔太大呀? 哈哈
靖天直情係無反應……
等我又買一盒俾靖天玩下先