『咱們仨』夜遊海港城 + 勁食宵夜BUFFET~
因為友人介紹話太子酒店有宵夜buffet有生蠔好抵食, 所以我地又去試下… 
靖天: 夜麻麻帶我出黎得個吉…. 爸B媽咪真係….. 
呢個宵夜buffet真係好宵夜, 成10點先開始…. 爸b放工返黎見時間ok, 就早o的出去TST打個轉……
出到海港城約9點, 著左90%既鋪頭都已經閂左門….. 
乜得黎香港既夜生活係咁灰暗咩?! 
…. 著實真係好無奈……
無印良品對出兩間餐廳竟然有室外, 仲要整到好靚… 好”泰”味呀!!!
可惜, 心肝話”驚”喎…… 影左幾相就走人咯…
跟住去左反斗城… 真係未試過行TST既反斗城係…..無人!!~~~ 
靖天可以走來走去了…….
我地仲o係呢度見到Mr & Mrs Poon,….. 好有緣呀!!! 
心肝見到o的毛公仔, 又走埋去攬攬錫錫….
見到煮飯仔, 又坐曬o係度玩…..
親親bear bear……..
行左一陣見差不多時間就去開餐…. 訂左枱都要排隊… 巧恐怖呀!!
係太子酒店3樓既香味屋 (Spice Market)
正價168蚊位, HSBC / 恒生咭有85折…. 埋單連加一約150蚊一位, 仲有無限生蠔同haggen dazs.. 供應, 抵啦!! 
靖天坐左陣已經好不耐煩… 影相都木口木面…..
超肥味既生蠔….仲有我地既”戰利品”…… 
後記:
是晚食到半夜12點… 真係食中2個鐘!
印象中全程食左約8-10隻生蠔… 食到尾真係太漏食唔落…
而呢一餐自助餐既代價就係…… 媽咪我痾左5次…. 好彩無嘔, 唔係實賴o的生蠔!! 
友人一家同爸b都無事, 好明顯係我食得太多……. 
第2日同爸b講起, 人家都話我”好刷得”…… …
大家明, 我舊肥腩肉點解死咬住我唔放…… 
(241)
英國嘅 toyrus 唔比影相架！不過以前唔知影過好多次 ^^
你有腩肉咩，唔好玩啦！
生蠔真係唔好食咁多, 乾淨都係咁話, over 5隻都好易出事啦, 比完錢又要痾, 下次小心啦, 唔抵吖嘛
當減肥囉…. 幾好丫, 哈哈~~~
嘩 …… 都好耐無去食過啦…殘念中…
比我就”美女廚房”啦…(食左先講) 呵呵呵…
痾下咪當清下腸胃…仲好啦…呵…
p.s.爸b好攪笑, 好似d狗仔隊咁影完就快閃…
我又要去試下。。。Ｄ雪糕， ＨＡＨＡ～
哦 .. 生蠔都唔會好肥咋 !@@ 哈哈
我都係, 好似都未試過食宵夜buffet~~~仲要食到12點…
清左一日, 第2日咪又餓過再食囉. 嗚………….
哈哈, 食埋其他啦, 咁夜出去食雪糕唔抵喎
但係我唔止食生蠔咁少野呢………
咦, 點解咁搞笑既? 唔俾影相?
有腩肉架, 遲o的著件短衫俾你睇…….