靖天上學了@ 蒙特梭利親子班 第1課
靖天: 『媽咪, 行得未呀? 巧心急呀!!!!!』
對蒙特梭利既熱情, 並未因為靖天越大而冷郤下來…. 反而無時無刻都諗: 點樣可以做好o的…
等了又等, 終於等到今日了……… 
屈指一算, 排呢個學習班已經有5個月…… 期望當然會高一點……
還記得上年十月參加左兒童無限既家長班…. 縱使家長班令我有點點兒失望… 但都無損我為靖天報讀其學習班的決心….. 始終都好想知道, 蒙特梭利playgroup, 是什麼的一回事…
安排左星期四既上午時間上堂 (係無得揀….. 
), 前一日還有點點兒緊張.. 因為要自己一個帶住靖天坐巴巴出到太子上堂…. 好驚佢好似上次Baby Buddies試堂咁一早起身唔願訓, 好驚佢唔肯食奶, 好驚上到巴士好多人靖天扭計大喊…. 仲要橫計掂計, 都計唔掂心肝既食奶時間 (因為上課期間心肝理應夠鐘食”早餐”的…)……
結果……. 天未光先餵一餐, 再等佢訓夠臨出門口先餵多餐奶…. 咁就可以落堂先再餵奶喇! 
已經打定輸數佢又係食3-4安就唔要….. 結果出門口前食左6安奶, 放學後又食曬8安奶先回家….. 全日進食無問題了!!! 
靖天: 『媽咪你乖乖地, 咁我又會乖乖地… okok?』
還算好彩, 去到就有巴士……. 全程巴士靖天扭左幾下, 想佢訓佢又要玩… (又係既, 剛起身又要佢訓覺… 太唔人道了!~~ ) 早左半個鐘出到太子… 心肝臨落車前訓著左…. 又係咁了…. 
……… 還好, 去到中心, 叫醒左佢無扭計無呆滯, 抖左十分鐘就開始黎料了!!
靖天: 『媽咪, 你唔洗咁興奮喎…. 返學咋麻….. 唔好嚇親我先得架麻…』
入到課室放低”書包”, 老師就走埋黎同我講今日流程: 頭70分鐘係自己時間, 小朋友會自由活動, 尾20分鐘就係Circle Time….. 之後心肝就開始自由活動了!!!
其實兒童無限呢個教室真係好大好舒服 (因為最多只會有8個小朋友上堂咋!!!) 有兩邊都係窗, 好天時風景相信真係流…..係o的冷氣凍左少少…..
靖天一開始竟然對放o係窗邊既”配對圖”有興趣, 仲同另一個男同學仔玩到好鬼埋…. 一齊望住個窗指指貢 o係度唔知講什麼外星話… 又交換拼圖黎玩…. 玩玩下男同學仔仲攬住靖天… 
呢一班得七個小朋友, 最細既, 相信都係靖天了… 得14個月… 其他既bb都有16, 18個月大…… 加上心肝個子偏小, 走埋去就更加”BB”……
“班主任”Daisy Lau就負責周圍咁觀察小朋友, 跟住又會問家長小朋友既野, 從而再俾o的意見….
Ms Daisy對靖天既評價: Movitation 好強, 唔會俾自己停下來, 好多野想講, 好主動 , 對”空間感”既需求好大.
….. 不過真係要想下辦法點可以令佢開胃o的….. 太細粒了!!!
無諗過DAISY一開口就問我靖天既飲食情況, 亦都會關心靖天既飲食同健康有否出左問題… 仲叫我下幾堂再問下”邱老師” 睇下有無其他辦法…. 
原來, 上playgroup, 老師睇既係唔止係學習能力, 仲會有其他…… 好窩心耶!!!! 
仲叫我地多o的帶佢去郊外, 吸收多o的Sun Energy…..
至於空間感問題…. Daisy話係呢個年紀既小朋友必經階段, 叫我地盡量俾多o的唔同texture既容器佢玩….. 因為觀察所見, 靖天大部份時間都沉醉於攞住個”鐵兜” / “滕籃”將入面既小玩具一粒粒咁掉出黎, 跟住隔一陣又一粒粒咁放返入去……
忽然醒起, 蒙氏教法主張都係多用質感既野, 少用塑膠… 以增加小朋友既五感…… 然後就諗到屋企張新書枱仔…. 點解要貪靚, 唔買木呢……
繼而再問DAISY有關學習”拼圖 / 配對”遊戲, 如我所料, 呢O的玩具佢仲未完全有能力完成, 急唔黎…… 不過DAISY話可以夾硬教佢迫佢學, 不過佢既學習就會多左個”框”…… 
關於收拾玩具既問題, DAISY話佢呢個階段仲係偏向”掉玩具”, 叫我由佢掉個夠…. 到真係要執既時候, 就教佢執, 但唔好迫佢, 同埋要俾佢知道我執緊玩具 (即係又要誇張啦~ ) 靖天做好過一排, 依家又拒絕收拾玩具, 係佢太任性, 還是真的如Ms Daisy所講, 佢未去到”收拾”既層次?!
另一位導師Ms Candy又問我係咪成日俾靖天放野入口….. 原來因為靖天攞起左個木球, 正想放入口之際, 佢又停下來, 改為敲打佢….. 所以Ms Candy話靖天似乎已懂得分”死物”同”食物”, 唔再需要下下用口去”學習”一樣野….. 過去一年, 靖天確實乜都放入口, 我地亦無加以阻止… 因為深知”口腔期”對初生兒既成長真係好緊要… 越唔俾, 佢越要… 為左令佢更快擺脫”口腔期”, 所以當初就由佢乜都lam….. 地下, 牆壁….. 靖天都留下不少口水…. (太恐怖了吧?! )
今日既最大驚喜, 係有一位”姐姐”在玩”吸水”….. 八卦既靖天當然無執輸, 人家玩完佢已經要攞黎玩….. 咁大枝吸管, 又點會識得吸起一邊水, 再將佢放入令一邊樽呢….. 
如是者, 俾佢搞多兩搞, 就成枱都係水……. 原諗住攞紙巾出黎抹乾佢, 點知呢個時候有位老師出黎叫靖天攞塊乾毛巾抹返乾佢…. ….. 下? 佢邊識呀????????? (唔識咪學囉!!! 
)
如是者, 老師就帶靖天去櫃到攞左塊乾毛巾, 跟住教佢抹乾佢, 之後就將條”污髒”左既毛巾放入個”有蓋既木箱”入面……
老師示範左一次, 轉個頭又整濕左, 咁我又教佢做一次…… 第二次心肝已經識得抹乾枱面……到第三次, 我地同靖天講整濕左, 要抹乾淨枱面… 心肝竟然走到櫃前搵毛巾, 跟住走返埋自己位抹乾左o的水, 再行去”木箱”掉左條毛巾………. 雖然全程有老師提點, 但心肝竟然可以做畢成個動作….. o個一次真係好….鬼…..感….動…….!!!!! 似乎, 我又再一次低估左小朋友既能力…… 
最後20分鐘既Circle Time, 就悄嫌老師”張力”不足…. 吸引唔到小朋友… 不過主張”完全自由”的蒙氏教學, 老師話小朋友唔想唱歌就由佢… 終有一日佢會俾我地吸引….. 結果? 個個小朋友都走來走去… 場面也挺混亂!!!
反而最尾既一首ABC歌, 係關於Phonics, 就好吸引到…..我!!! 簡簡單單, 就帶左A-Z點發音….. 未來七堂”我”要俾心機學好佢….
最後講再見, 原來要Hug啊……. 老師攬攬小朋友, 小朋友又攬攬老師, 場面挺溫馨, 可惜, 心肝拒絕攬人….. 淨係肯攬我, 哈哈…….. 仍有待進步耶!!!
90分鐘既課堂, 靖天俾我感覺係咁多個playgroup入面最享受的一個….. 
雖然好似又係”零”得著 (因為唔會坐定定教東教西) , 但係靖天既”模仿”, “觀察比佢大既哥哥姐姐如何玩玩具”, 又確實深深咁吸引我……
從來未試過乖乖坐o係度”觀察”靖天咁耐, 呢一課, 相信得著會比靖天多吧?!
Daisy同其他老師既協助同建議, 令我更了解靖天既需要同能力…..
雖然辛苦一點出到無雷功咁遠上堂, 不過相信, 都係值得的…..!!!!!! 
(560)
咦, 原來真係你黎~ 我同mavis落堂見到好似係你既你, 嘻嘻~
咁好既有咁多comment俾你地, 我咩都冇傾過… 仲要mavis大部份時間都係自己去玩, 冇咩人陪or指引, 最通常都係mavis搶人野時, 先有人走出黎同mavis講”排隊”再跟住睇佢玩一陣… 就咁大把咋…
靖天媽媽, 你好強呀, 我開頭都有諗住參加呢個 pg, 可是, 一想到一定要weekday 返, 我便打消呢個唸頭, 因為真係唔好大假…….
你真係好有心機, 唯有係你個 blog 度偷下師, 希望有唔好介意啦…….
不會不會啊
原來你對蒙特梭利都有興趣…… 嘻
咁要多o的交流喇!~~~
上呢個班之前 家長都好似要先上一個全日既課堂喎 ?? 我個朋友都剛完成了這個課程啊 !! 她還買了一套 蒙特教材 (細小版) 回家啊 !!
聽她說 Daisy 真的超細心 , 而且會在問家長小朋友平日的習慣, 家長怎樣教小朋友 , 如果她發覺有問題 .. Daisy 都會好不客氣的指出家長錯處 ….. 實在會獲益不少呢 !!!
靖天加油 . 靖天媽也加油 !!!!
哈哈…睇到呢度, 我都忍唔住要留言一下.
我係bk的sasa612呀…照你的分享, 都學到吓野喎..攪到我都好鬼想參加呢個pg呀, 點解佢冇weekend班配合我地呢d在職媽媽嫁..唔濟呀 @.@
好呀好呀…咁真係唔該晒你囉…真係要反映吓weekend class 方便在職mama 啊 !!
我都好buy 蒙特梭利 ﹐所以都幫Bertin wait-list緊間蒙既pre-school。我覺得咁細既小朋友﹐最重要係人格上既建立同對身邊事物既認知﹐學術上既學問反而係其次﹐正正係蒙既理念。
外國有好多蒙氏既pre-school, 香港就好少了……..
睇完你寫, 我又有多左興趣…
等你第2堂既report!
謝謝觀賞……….
多興趣, 咁一齊讀啦, 呵呵
嘩！好好呀，daisy同candy有咁多comments俾你嘅？係你問佢地定係佢地自己同你講嫁？我冇呀…嗚…
靖天好叻女！睇2次就學識抺枱！靖天媽媽快d係屋企預備定抹布等靖天幫你抹地喇！
我估都係咁o岩得咁Q佢地講起囉
daisy見靖天太奀, 於心不忍卦, 哈哈.
成堂最impressed我就係抹枱一幕……. 可恨沒有錄下.
不過屋企粗重功夫…我地自己黎得喇…… 哈哈
hihi, 我個女都係0801架
我都有興趣佢地個家長班同pg.
原來個pg要排咁耐,係要上完家長班先可以排定可以排左先架?
其實哲哲都係掉玩具多, 不過佢依家有鋪癮, 見到有個盒既野就鐘意放野入去, 變相你以為佢識收玩具, 其實收完無耐佢又全部掉返晒出黎
你prefer靖天跟大哥哥大姐姐, 反而我覺得佢帶班細仲好, 因為日常佢跟慣我地大人, 都學到模仿到好多野, 相反未必有咁多機會教返d”靚”呢~
係呀, 8小時既家長班麻, 上年上左啦… @.@
你朋友買埋教材咁犀利既….
我屋企都未ready變蒙氏屋企, 所以都係….. =.=
daisy好串, 但佢真係好有料… 所以我鍾意, 呵呵!
我會加油架喇!!!
sasa, 謝謝你留言呀, 一見個名已經記得你啦, 街坊街里麻…..
weekend playgroup好似佢地話未安排到啊…..
或者下一堂, 我又幫你問多次?!
客咩氣………
問多句咋麻… 睇下centre有咩feedback都好丫
你好你好;
其實上家長班時排埋已經可以了
我聽朋友講, 話5月/7月都有位啊
佢咁細, 邊識帶”細”呀….. 嘻嘻
哈哈, 你都識我? 但我唔識你… 因為未同你傾過麻… 下堂大家say個hi啊要…….
我估都係咁o岩得咁Q 佢地俾comments, 我見茄茄都好似無特別comments…. @.@
靖天都搶人野啊… 不過唔急唔急, 上多幾堂佢就會學懂等候架喇